今次話晒係第一次由機票至酒店及行程都係自己一手一腳搞。
之前Re-search左好多資料。
起初煩惱緊點訂機票同酒店，好似好複雜。 點知真正落手做時，又Ok喎。
經過今次經驗，下次去旅行唔駛再跟團，其實自由行難既。
早在半年前，Scoot有Promotion, 2大1小, 包來回30Kg行李及劃位都係 $31xx。點忍得手唔買。
此航班每天早上7點05分起飛，所以預先約定的士4點15分就向機場出發，
5點順利到達。已經有條Check in人龍。
呢個時候，Papa負責排隊，而我就帶家希周圍影，勁之難得個離境大堂無人。
去程都已經2x Kg喇！
Check in後再過埋關口，其實時間淨番唔多，仲要食早餐，真係要急急腳咁行去50閘口，勁遠吖！
睇佢幾咁開心就知，要上機喇。
準時順利起飛，香港被呢片雲霧覆蓋住。唔怪得咁大霧又潮濕啦～
一小時後，半空中景色多麼美。
由於係廉航，零娛樂，要捱3個鐘頭都幾痛苦。
好唔容易終於到步，立即連線機場Wifi跟包車司機聯絡取門票。
再買上網咭，由於係細Sim咭，又唔想買太貴，無咩選擇，５日每天２GB，又可以Share出來。
搞掂就搭MRT去酒店。
其實新加坡同香港好近似，MRT亦好易睇。
總共要搭16個站，大約8個字終於到達位置牛車水附近既酒店-Dorsett Singapore。
經Hotel.com訂房,，然做緊優惠，即時過數，2晚連稅25xx。
只不過係1點就可以攞房。整體黎講，我覺得整潔方面可以改善下。
房間Size都可接受，由於係Standard 房,所以無浴缸。
至於個廁所設計都幾搞笑。衣櫃對門就是廁所塊鏡。 家希淨係玩呢對門都笑到收唔到聲。
執好行裝就準備出去食晏，由於太熱又𠒇左好耐都搵唔到Maxwell，最後坐的士直接去Kids Stop附近商場 - JCube衣肚就算。
酒店後向已經見到好多印度既建築物。
這就是我地第一餐。
Papa家希既海南雞飯。
而我就係啦沙。
再食埋生果就飽飽。
時間尚早，係商場兜下圈，Papa被這背囊吸引住。
商場四週佈置仲好有羊年氣氛。
原來個Kids Stop係JCube 後面街，步行5-10分鐘就到，起初唔知就搭的士，回程就可以慢慢行。
個正門好靚。
隔離就係Snow City同科學館。
Kids stop有分時段，我地等待4點個Session。
呢度好多角色扮演。
家希要做搬運工人。
還有可做醫生。
成個人體模型灘係度比你認識下佢既內臟。
還可以扮收銀員，睇佢幾咁投入。
轉過頭換上廚師服，又要變大廚。
仲有得做下機師。
"考古學家"這個名字對家希黎講比較深，佢只知呢度係畢沙沙。
還很細心，提供工具比你清理腳上既沙。
最後這個玩意都幾考耐性。
要慢慢控制夾起波波再拉出來放下。
我地玩左近2小時就走。 再行番去JB CLUB，對面就是MRT(Jurong East站)。
返酒店沖過涼就出發去老巴殺食串燒。
人頭湧湧，好多檔口都燒下燒，仲好多人埋黎拉客。
我地是旦揀個位就坐底Order左d串燒，又試下佢既魔鬼魚，不過又唔係太好味囉。
最好味都係串燒，忍唔住要 Encore。
驚喜事就在此老巴殺發生，居然撞見表姊，我地之後約埋一齊去Garden by the bay睇夜景。
一舊舊鐵樹著起燈，真係好靚。
沒有留言:
發佈留言