【搬定唔搬 ?? 】

1 屋 2 房 for 我地 2 人 + 4 貓, 本應好好住, 不過為左 BB既來臨, 已經 Plan 好搬 3 房 , 咁樣就可以將 BB 同貓貓隔開.



人算不如天算, 終於等到 6 個月既我, 捨棄屯門跨區去天水圍搵屋, 點知搞到一肚氣, D 死人地產佬都唔係搵食, 完全唔在乎, 仲話成個區都無盤 wor, 緊係啦~ 我知佢地想做買賣盤, 起碼佣金多, 最後我地白行一趟. 激屎我 !

老公家姐話而家D 樓係咁升, 無盤都唔奇, 成區都係炒家. 睇黎我地都幾黑仔, 2年前約滿又係打算搵屋搬, 又係一個盤都無, 焗住加租住番係度, 再搵家務助理大執. 2 年後今日又係咁.

最後老公話改第二個方案. 如果真係搵唔到屋, 就再執吓間屋, 貓房照比佢地4 隻反斗貓住, 將貓房衣櫃換晒買個新衣櫃改為放廳, 再將我地間主人房將床移一移位都可以放埋將 BB 床入去.

唯有等到我生完先再搬 ! 其實自己都十五十六, 個個都話大肚唔好搬屋, 會動胎氣, 但我又想比個好環境等小 B 出黎, 老實講, 住呢度其實真係好方便, 一來係市中心, 樓下就係大型 Plaza, 5 Min 路程就到健康院, 覆診勁方便 返工搭車又係總站上車, 實有位坐, 唔怕 D 衰人唔讓位比大肚婆坐, 哈哈 !!

唉~ 究竟點好 !!!!

呆呆望住自己間屋, 上年已經比我地大執, 換左好多傢俬, 其實間屋都幾靚仔, 只係覺得唔夠 BB 住.