2009年3月3日
疑神疑鬼既我, 今朝見 M 小姐, 個刻心情好 Down 好失望. 加上同朋友 P 呻既時間, 一盤冷水兜頭淋, 仲話我心急, 心情更加 Down, Down 到咩都唔想講.
朋友 L 比左盒 David 排印紙我, 由 Day 8 開始 Check. 仲認認真真咁 Mark 低.
【改變飲食】
2009年3月26日
Seach 到好多資料, 葉酸對 BB 既影響, 同事 P 啱啱早幾日聽左個講座, 正正講葉酸既重要性, 原來 Anway 都有出葉酸.
趁今日晏晝放假, 同媽咪去 Amway 掃貨.
亦由今日起, 介除飲凍嘢.
老公真醒目, 尊登唔雪幾支益力多.
【中醫調理身體】
2009年3月28日
一向無幫襯開中醫, 之前皮膚痕, 睇左個九唔搭八醫生, 最後放棄唔再睇中醫.
今次朋友再一介紹, 大圍大安潘醫師幾好. 出名中醫既婦科.
拿拿林, 趁做 Body Check 前有時間, 走入大圍一趟.
真係好多人, 唔知要等到幾時, 又趕住做 Body Check, 唯有一路等一路睇情況. 點知唔駛 3 個字就到我地, 因為好多人拎左籌又無到.
由於距離下一次 M 小姐仲有 1 個禮拜, 醫師只係開左 5 劑茶後再約覆診把脈. 佢話 D 茶飲左, M 小姐會黎得舒服 D 喎! 佢咁講相信 Bingo 既機會都好渺茫.
【再次失望】
2009年4月1日
再一次失望, 對我黎講, 3月份比 2月份努力左好多. 最終 M 小姐都黎左.
Planning 只不過係短短 2 個月, 幼稚思想以為有 BB 係一件話咁易既事.
事實原來係我大錯特錯.
【急唔黎】
2009年4月7日
Day 8 既今日, 朋友 M 陪我去東叔一趟. 閒日真係無咩人, 好快就有得睇 !
唔知係咪無咩人既原因, 今次問既嘢詳細左喎. 不過佢建議我下次最好 Day 2 就黎睇佢. 食 D 藥谷靚D卵. 而家時間無多, 距離排卵日子淨番得個 4 - 5 日, 谷得黎都唔會靚喎......
即係今個月都無希望啦 ?! 東叔好快話呢D唔可以心急, 得左陀唔隱唔健康咪仲慘.
咁又有道理, 我太心急啦........
今次飲係 1 號茶. 隔離位男士見到都 "哇" 一聲 !!!
【懷疑】
2009年4月28日
Day 26 朝, 感覺有D 嘢, 發現一少滴既啡黃, 心情即下降, 睇黎係 M 小姐既預.. 過左 1 日, 奇怪成日只係呢一少滴, 平時 M 前既啡唔會咁少喎....
谷 M 既感覺已經維持左成個禮拜, 自己都打定輸數, 諗住 M 到就即睇潘 ec.
今日正常係 M 既 Day 1, 仲未見 M, 朋友 J 比左盒 Clearblue 排卵棒我, 貪得意用黎 Check 吓自己既黃體激素 ( LH ), 哇~ 好快就見到 2 條線喎.
我知道一個月無理由會有2次排卵既, 個心已經有懷疑, 唔通.......
【Bingo】
2009年4月29日
將尋晚既事同左 1 個同事講, Lunch 陪我去買棒棒黎驗.
係公司既廁格搞左好耐, 又睇吓說明書, 又睇吓點樣用, 又等結果, 3 - 4 Min 結果出現........真係 Bingo 呀 ! 暗然內心一笑 !!
真係好感恩賜我一個小生命.
沒有留言:
發佈留言