【Lesson 1-10 @ Starting Blocks の 第1 Cycle】

【Lesson 1 】
一連10堂幼潛由今日開始就開課啦!

經過之前既經驗, 無論如何都要係上堂前預番D時間比家希 Warm Up 吓先.

仲見 Blog 友豬仔添. 大家仲係同班同學添.2個小朋友玩到唔捨得入課室添.

夠鐘上堂,1班6個小朋友, 齊晒人數, 不過陪同既家長仲多過小朋友咁添.

家希今次表現得唔錯, 唔似試堂咁全程夾實mama 我, 肯自己坐, 仲好尊心聽姨姨講話.

 

個流程同試堂差不多, 一樣有歡迎歌, 玩樂器, 只不過堂堂練習既野唔同.

 

家希一開始就坐定定好注尊留意姨姨教學, 所以一渣上手就識得做, 我同婆婆都好訝然.仲玩到停唔到手.

 

之後我都唔知呢d玩乜, 淨係知到個個小朋友輪住由起點拎起條橡巾踩過呢d 障礙物再到終點放入條柱度, 未開始家希就急不及代瞓上去.

【Lesson 3】

上堂家希發燒拎左 Sick leave, 原來有醫生紙就可以補番堂, 咁都好d.

唔知係咪落雨關係, 一個小朋友都無, 所以家希可以一個人霸晒成個Receiption 黎玩, 而mama 我就忙住拎 Coupon, BLOG 友富B 介紹我, 我就介紹 WW. 共200蚊百佳Coupon. 多謝晒 !

今堂有5個小朋友, 家希同上次一樣, 都好靜靜聽 ee 講話.

開始做練習. 要插晒6支飲管入去.

 

之後玩大波波, 呢一 Part 大致上, 5位小朋友已經失控了

 終點最後成為佢地個波波池.

 

 

【Lesson 4 】

今堂得4個小朋友. 啱啱好2男2女.

每堂開波都一樣, 導師會講 : "邊個坐得靚". 每堂家希都坐得好直好靚.

 

皆因邊個坐得靚, 就有得拍呢個樂器. 所以每次家希都好期待...........拍.

 

每堂都有唔同既練大小肌肉. 今堂仲有d 唔同質感既玩具比d 小朋友摸吓.

 

接住玩畫畫, 都係練佢地手碗d 肌肉. 

 

到大活動, 哈哈~ 家希同豬仔都好驚咁. 企停停睇環境.

反而另外個2個女仔就好開心, 係咁沖黎沖去.

 

【Lesson 5 】

今堂玩呢個配對, 圓形係最易, 初初家希仲有耐性, 不過到玩第二個形狀時就無興趣, 仲成日離開位走去婆婆Papa 度.

 

d 小朋友開始失控走黎走去, 陳姑娘就拎 Bubble出黎.

 

接住係獨感訓練,

每位小朋友一人一個兜, 姑娘就開始每人一匙熱意粉, 家希完全唔抗拒去摸去渣.

摺起衫袖真係玩得放D.

 

【Lesson 6 】

所以今堂得4個小朋友, 其1個係試堂.

唱完歌仔, 開始遊戲.
姑娘要每個小朋友用手指一吓一吓咁揭開d紙後, 就可以拎到個波仔出黎.

 

重要係, 要小朋友佢地踎係度揭, 係想訓練佢地既平衡力喎, 呢點家希無問題, 因為佢成日响屋企都係咁踎係度玩.

 

d 波拎晒出黎, 就逐一逐一拎去放入呢個筒度, 完全無難度, 家希勁鐘意玩.

 

呢 Part 係訓練佢地既手仔, 可以屈曲度. 相等係Train佢地第時自己畢野食.

 

 

【Lesson 7 】

大肌肉訓練.
每個小朋友都派舊假磚, 拎住個磚頭仔要攬過障礙過物.

 

坐番埋位, 又到吹 Bubble時間. 家希一到呢 Part 就好被動, 想玩又唔夠膽上前玩, 睇佢個屎忽黐實晒張凳就知啦.

 

最後一節, 搓麵粉, 你睇家希, 啜住個奶姐勁無聊既樣.

 

 

【Lesson 8 】

除了同學仔樂怡之外, 睇怕家希係排第二個最嘈嘈閉既小朋友.

不過都幾好, 起碼佢夠活躍.

之後要練吓佢地入錢幣既手勢.

大肌肉訓練時候, Play 埋音樂, 大家圍住個圈, 一路fing住支彩布, 一路行, 仲要係d軟墊上上落落, 係訓練佢地上落樓梯技巧.
不過家希仲未肯放手自己上上落落, 相信佢係無信心啫.

 

 

【Lesson 9 】

今堂練口肌練習~ 吹氣.

人派支有羽毛既飲管, 家希唔識吹, 反而將支飲管塞落凳個窿度囉.

 

接住再派一個吉樽, 樽入面有D碎紙, 插支飲管入去...吹, D 碎紙就會係咁飛起, 不過家希呢Part Fail, 淨係掛住吸, 以為有嘢飲, 吸極都無嘢, 就係咁擰晒頭, 唔要~~

 

下一 Part 就係吹Bubble, 每個小朋友自己都有一支自己吹添, 個個開心到不得了, 當然家希吹唔到, 佢記得我地玩開個d 係用手渣住黎fing, 所以佢拎住支嘢唔係吹, 反而fing 囉.

 

 

【Lesson 10 】

唔經唔覺, 今堂已經係第10堂. 由5月頭到而家, 足足成個幾月, 堂堂都有新嘢玩.

家希呢 Part 係最鐘意, 又拎住D樂器 Fing Fing Fing.

 

今堂主要係分辨顏色.

紅黃藍三色, 分別要放番同色既Tray 度. 姑娘仲話主要係比佢地認顏色, 至於顏色既名未識都唔緊要.

 

之後姑娘拎左個氣球, Bom 緊氣既時候, 個個小朋友都好留心....家希仲 O 起個姐. 可能覺得神奇.

 

最後一Part 係上落樓梯. 原本家希開始不耐煩, 點知比佢見到個樓梯, 咁就提番起精神.

 

唱完 Bye Bye 歌就到派成積表.