【持續燒の醫院遊】

時燒時退為持已經第5日,由最初覺得熱氣, 飲過竹麃水, 谷晒D熱氣出黎而喉嚨痛, 跟住牙肉腫, 最後出左好多水朴仔係口度. 病徵越黎越多.

家希口仔應該好痛, 成日都呱呱叫. 半夜又再燒番上39度幾.

仲要呢排最 HIT 既腥紅熱, 朋友仔話個病徵最初都係喉嚨痛.

搞到係公司既我又邊有心機繼續做嘢呀.

拿拿林同公司請假, 決定去瑪加烈. 因為個邊有個防X中心, 咁樣家希應該唔駛等太耐就可以見醫生.

3號波既外面又大風,好彩唔算大雨, 不過要 Mama 我一個人, 咩住2袋嘢, 拎住把遮再抱埋家希去搭的士,確實係有d狼狽.

慶幸家希識行識走, 放佢入的士企定定, 佢都OK, 仲自己爬上凳度坐.

而 Papa即交低手頭工作, 係醫院到會合.

雖然個刻家希無燒, 不過我地都擔心佢係咪中左而家最HIT個樣, 而分流既姑娘都好好人, 立即帶我地去另一間房, 我覺得呢間應該係隔離室, 入面已經有一個小朋友等待入院. 等左幾個字就有醫生黎做檢查.

 

家希第一次戴口罩, 好明顯兒童口罩仲大過佢塊臉. 

不過家希個脾性, 係唔可以夾硬黎檢查. 整嬲左佢, 佢點都唔會就範.

最後醫生話家希唔似腥紅熱, 只有D水朴仔係俐度, 佢覺得似手足口病. 不過又話無特效藥食, 只係開番D消炎止痛, 要等佢自己既抵抗力打敗D菌.

仲話如果我地係屋企應付唔到佢食嘢方面, 可以留院, 就會吊鹽水, 經我地倆公婆商量, 見家希個刻又無燒, 都係唔留.

只係要用番長少少時間去氹家希食嘢, 而D 嘢食要灘涷, 咁佢吞就舒服D.

就係咁, 就安排家希去照埋肺.

之後去番大堂等成2粒鐘仲未有聲氣, 如其晒時間係度等拎消炎止痛既藥, 倒不如入番屯門睇番平時果醫生.

 

呢個兒科醫生就覺得唔似手足口病, 因為手腳喉嚨都無朴, 只係牙肉腫同俐有朴朴, 個D可以話係痱子.

喉嚨發炎牙肉腫亦有機會生痱子.

因為家希已經持繼燒左咁多日, 醫生話要食抗生素, 仲開左D飯前飯後搽口既藥膏, 可以舒緩吓佢口入既痛, 佢食嘢就無咁辛苦.

探耳仔都會照一照耳仔有無發炎, 炎就無, 但耳屎就好多, 所以醫生開埋滴耳仔, 等佢D耳屎自己流埋出黎.

順便我地講埋家希手指夾瘀左, 其實過幾4日, D 瘀都消到七七八八, 不過醫生都照開埋藥膏比我地, 仲可以攞黎當睇門口.

 

返到屋企, 食過藥後,安安靜靜自己玩玩具, 口角邊個粒就係今次其中一粒瘡.