【手紫又腫】

睇黎麥記薯條真係好勁吓.

皆因早幾日, 婆婆帶家希去麥記坐吓食吓野, 話佢一口氣食左 7-8 條薯條. 唉 ! 咁熱氣既嘢點可以比小朋友食, 仲要食咁多條.

而家就出事喇~ 喉嚨發炎導致發燒, 呢點係我覺得既. 不過醫生都話喉嚨有紅.

今次支燒炎藥唔係平時食過個隻.

禮拜六, 家希仍然時燒時退.但又唔算高燒, 都係徘徊37.6-38.5左右, 所以見家希唔閔憎, 我都唔會比退燒藥佢食. 淨食燒炎就算.

Papa 收工諗住去市中心食晏之後帶家希去玩波波. 又再去冒險樂園.

入到去個傻豬, 開心勁拍手, 去番上次玩開既碌Link.
點知唔記得玩到第幾個Round, 家希甩手, 個波壓左一壓佢手指, 當然即大喊.

奇怪係明明當時 Check 過佢手指都無紅無腫. 點知3個鐘後......

 起初我仲以為佢唔知掂過d乜野整烏糟左.

再睇真D, 咦~ 好明顯同隔離手指相比係腫起左成個dou. 又紫又硬硬地. 唔怪得佢喊得更厲害. 睇見到心痛.