【再次遇上你朗豪のHello KITTY 】

今日原係休息日, 落街既力量都無, 記憶模糊中, 瞓左2粒鐘既我, 同時家希自得其樂玩左2粒鐘.
差唔多成屋既玩具都係佢自己一個人拎出黎玩, 爽呀 !

瞓醒至知姑奶中午時份提議去影 Kitty. 仲不停Whatsapp D 相黎引誘我.

搞到我鼓衝動, 忍唔住出去會合佢地.

旺角, 呢個地方, 真係咩日子時間都係超.....人多.

攝入去朗豪坊個段路, 人頭湧湧.

好唔容易終於黎到 !

真係靚到爆~  記得兩年半前既 X'mas .
家希1歲都未夠, 朗豪坊都係擺 Kitty.

而家3歲幾, 鋪屎表情多多.

本身唔係Kitty 迷, 不過見到周圍既佈置, 都愛上了.

人係多, 但人人都好守規矩排隊影相, 所以必定影到. 呢點最Good !!!

當然要多得每區域都有Staff守住啦. 至有咁好秩序.

排得最耐係架電車, 每次只會比一組人上車任影.

隻隻 Kitty都係毛茸茸架. 好舒服 !

我就覺得Kitty大包係最靚.

影相發燒友既我, 真係影到無停手.

影得興奮同時發生左件小血案.
踚盡家希又禽禽青, 呯一聲巨響 !!

哎呀~~ 話口未完, 成個人Tick到Kitty 手推車支棍, 啱啱好, 度都無咁Fit咁扒正係架車既腳踏度.

個額頭即腫到豬頭, D 血淋淋既傷痕好深下.

見到都肉赤死.

** 第二日已經消腫,但條痕仲好深吓 **

除左4樓, 其實仲有其它位置都有 Kitty既蹤影,
仲要無咩人知 !!

最頂層呢架Kitty車, 勁靚.

影完相, 係時候要去衣肚.
黎旺角食飯, 真係度度都Full 爆, 好彩臨出門比我Book到呢間. 

飯後甜品.