【 日本大板崗山跟團玩樂遊 のＤＡＹ１ 】

非常倉猝的決定，日本我地來啦！
一向鐘意自由行既我，皆因唔夠時間準備，癈時煩，跟團就乜都唔洗理。
呢個旅程不足24小時考慮就扑槌Join 了。爽！！
今次撇下Papa，跟表姊一齊去旅行， 家希極之開心，可以對足表姊 5 日。
撞正 d Yen跌，個 Rate 係 6.1。超靚！

深水埗買上網咭，HKD$ 150。


中午機，所以可以天光至慢慢出門都 ok。
1號閘口，第一次唔洗行咁遠，皆因包機。


包機直航到達崗山機場。
崗山機場係一個好細型機場，我地成組機共200人，只有五個關口排隊等過關，淨搞過關都成粒鐘。

一出關口即收歡迎小禮物，好親切。


唔單止有小禮物，還有公仔人物。


接著要去食晚餐。
第一餐晚餐只係响休息站解決。


簡單一碗麵。


食飯要坐成粒鐘車程才返到酒店。
呢個仔頂唔順，已經暈了。


這是我地第一晚的酒店，都幾大架。


換番套衫先。


趁酒店內既商店未閂，拿拿林睇下有嘢啱。


好多手信都可以試食。