【親子與友澳門遊の 上】

５月時係D Page睇到澳門 JW萬豪酒店新落成，佢既空中飄流好吸引。


上年去時仲係冬天，所以無機會游水。
今次一於一放暑假就相約好友一齊去玩到顛。

經Agent訂房，星期日入住 $1390/晚，船票想Join番朋友一齊，所以自己上金光飛航訂，成人$331 小童$301。
上船前黎番個大合照。


兩個小朋友一齊坐，好開心！


唔知係咪身體唔好，一向無暈車暈船浪，居然首次暈船浪，真係好辛苦，唔嘔出來係頂住頂住。
艱苦的１小時終於到達。
落左船吸番d新鮮空氣又無事了。

過了關，我地第一景點係去黑沙公園揸車仔。



可能天氣太熱，無咩人玩，5蚊15分鐘。不過佢地話d車好慢喎！


出晒汗，去隔離有間出名既餐廳食Lunch。


可惜餐廳係無冷氣，好彩安排坐既坐位係窗邊，隔中有d風吹入來都舒服既。
隔離就是黑沙沙灘。


食飽飽返酒店Check-in，已經３點了仲未有房。搞左好耐，安排左２間可相連既房比我地，不過其中一間要4點半有，因清潔中喎～


咁我地上房換晒泳衣落泳池玩先。
一去到，我地一齊玩飄流。

全長好似可以流成9個字，中間有好多個上落位。

有個人造沙灘。也有兒童嬉水池。


佢地學過游水係唔同D, 起碼唔驚水，仲不停鬥潛水。


家希咪水可以維持10聲。


最正係呢個空中飄流。


另外有個BB池，有滑梯。

差不多5點，開始涼，所以決定返房沖洗後去食晚飯。
JW其實係銀河集團之一，行去百老匯街大約10-15分鐘。


初初唸住露天實熱爆。
但呢度既設計又有風入，反而坐露天餐廳較寫意舒服。


食完晚飯，小朋友返房浸泡泡浴。


爸爸們就去賭場走圈。