【親子曼谷華欣遊 の Day ２】

清晨6點幾。面對呢個View好正喎!

因為解究唔洗返工，6點半就彈起身，陌生床此終瞓唔慣。
佢地兩仔爺仲未醒，我就要拿拿林去梳洗Ready。

8點鐘大家落去食早餐，我個人係幾鐘意食泰國人既湯粉，加埋辣椒就一流。


家希大愛水果。

住咁貴既酒店，梗係要享受下先。
食飽後換衫落黎泳池玩，撞正今日係情人節，酒店有Function搞。

酒店有水泡提供，真細心！

家希鐘意係BB池度玩，腳因可掂地。

大人池最高個邊係1.35米。　


傻仔梗係無安全感，不過我地話你可以套住個水泡游，咪仲爽。

酒店面對個大海，境觀一流。

玩完泳池就返房嘆下按摩池。
老公話要一邊食住佢至愛既薯片一邊望住個海喎。


露台有埋架比你浪衫曬衫，唔錯唔錯！

約了司機12點出發。
第一站去Hua Hin Railway Station。
一去到人山人海，唔怪得之啦，有火車到。

等人潮散去，可以周圍影下相。






天氣實在太熱，包車是明智抉擇。

每次完了一個景點即跳番上車又唔洗大熱天氣周街搵的士嘛。

跟住司機叔叔車我地去筷子山。


呢度係個沙灘既盡頭，勁多外國係度曬太陽，水也很清。


還有好多馬騮。


呢度實在太曬太熱，影完相都係閃喇！

接著去Plearn Wan，順道食埋Lunch。

呢度多嘢睇多嘢食，裝修好有特色。

至愛湯河。


家希老遠見灘位遊戲，梗係唔會放過。

呢度買套票，100B有玩3個遊戲。

一次撓3個波，得安慰奬。

家希要射槍，不過只供大人玩。


唯有Papa落場。

得6飛子旦，全中得到這奬品，居然比佢全中，有無咁好眼界呀？

玩夠食夠就去下一景點。
SANTORINI PARK  大小同價，每人150B。

又係超多影相位。

唔太明白，已經係週日，都無咩人既。

佢地個廁所有冷氣兼好有特色。

還有Playground是免費。


家希用佢能力嘗試又爬又禽。






滑梯又係免費。


室內也有遊戲。
120B玩15分鐘雪。

及30分鐘波波池，係度過下冷河都好喎。


臨走前仲比家希發現有得揸船，原來係撞撞船。
得佢一個人玩，好似包場咁。

玩到太陽要下山喇。
唸住去同事介紹果個做Massage，可惜 Full Booking。

司機介紹另一間較簡陋。
1 小時推油都係300B，好過無啦，只係想鬆一鬆。
話明簡陋，沖身D水係凍水黎架，Woww.....巧凍呀！

呢個夜市尋晚黎既時候，無認真行過，今晚可以再仔細睇下嘢。
香蕉班戟必食，仲要趁食熱，脆卜卜既皮加上香蕉餡，超正～


呢個椰子又係好正，飲晒入面d椰水就可以食埋外面d肉。


夜市其中一條行係室內，多衣服物品睇。

搵到食死皮既魚仔啦！15分鐘100B，30分鐘150B。

叫家希試一齊試下。

佢一放隻腳落去就不停笑，佢話好似比人吱咁痕喎。　

浸下浸下就習慣了。

原來我地仲未食晚飯，司機叔叔車我地去Market Village，呢個係一個有冷氣既商場。

最後我地揀左個鐵板燒。


其實價錢同香港差不多，我唸當地人應該覺得高消費。

返酒店後又見今日免費小食。