我依然係6點半就醒了，meme摩摩去到7點比我見到個紅紅蛋黃。
不過一開露台門，班衰蚊就衝左入房，華欣真係好多蚊，但不吸血既。
相信今次旅程最經典一早無電又無水，有無搞錯，話晒5星級酒店喎～ 職員又話唔關佢地酒店事喎。
等左半個鐘，終於有水，拿拿林梳洗落去食早餐。
無燈既餐廳依然運作中。
今日要10點離開華欣直出曼谷呀！
D電池仲未叉完， 把鬼火拎落去大堂，用職員位叉電先。
另一邊，我地咪上下網嘆下等下。
準時10點出發。
呢架就係我地坐足3日既包車，可坐12人，而家只得我地3人，勁寛趟。
司機叔叔好細心，提議帶我地去BIG C，呢間BIG C位於曼谷與華欣必經之路，車程都係一個鐘多少少。
而我地又可以大戰BIG C。
呢間唔止係超市，仲有個Food Court。
連遊戲機都有。
街頭霸王，估唔到教佢幾下就上手，男孩子天生應該係機王。
家希後面一間間房，原來係卡拉OK Room。
再坐多一個鐘多Ｄ去到 Or Tor Kor Market，呢個水果市場係翟道翟另一邊，天天供應。
估唔到買水果都有得試食，D榴槤真係超好味。
忍不住買左兩舊。
再轉戰芒果糯米飯，又係超甜。
香港完全食唔到這味道。
買完水果，另一邊係熟食，兜左個圈，其實好想試下食大蝦，但老公話凍冰冰咁，唔夠膽食。
最後我忍唔住只買獅蛤。其實都驚驚地，所以只食左幾隻。
反而新加坡又夠膽食晒。
青咖哩又係我至愛。
食飽就開始去玩。
第一行程我揀左去玩雪，叫Snow Town。
位於BTS - Ekkamai(E7)，Exit3，係一個 5 層高既商場。
入場Over 4歲就大小同價，任玩全日250B包1對鞋。
由於我失策，忘記拎外套，唯有租衫。其實入面唔係好凍，大約15度。
最可惜我唔知佢地改左任玩全日，只預留玩1小時就要走。
D Staff 好 Nice，知道你要影相，會向你噴雪，營造一個落雪景象。
不過d雪真係灑到你成頭成身都係，凍冷冷哦～
另可租雪兜，大500B小300B。
還有個斜坡仔，滑下來都好刺激。
入場人士每人包一杯熱飲，好體貼。
商場4樓仲有個類似冒險樂園既地方。
可惜唔夠時間周圍逛。
之後趕住返酒店Check-in，撞正放工時間，塞車塞車。
曼谷我揀左係Pathumwan Princess Hotel，貪佢係BTS隔離之餘又連接幾個熱門地方。
泰國酒店好興有歡迎飲品。
放下行李，急不及待落去MBK整手信。
所以搞到8 點才向Asiatique夜市出發。
如果搭BST可去Saphan Taksin (S6) Exit 2再搵Asiatique既Shuttle Boat，係免費的。
曼谷真係好塞車，明明20分鐘車程都塞左成半個鐘。
一落車場隔離就係呢D電動車。
家希又點錯過，10分鐘150B。
呢個仔又扭計想買玩具，自己係度忍泣。
無咁好氣！
晚飯求其搵左間拉麵。
走既時候，的士龍排晒長龍，幸好我地係包車，交通方面唔洗煩。
呢晚等沖涼既家希，無聊寫下字。
沒有留言:
發佈留言