【唔識教】

近呢幾個月黎, 鬧仔既次數越黎越頻密.

自己都好討厭自己.

家希返黎渡假, 基本上無一日可以唔鬧仔.

每到湊仔日, 我都警惕自己, 唔再勞力, 深呼吸, 平心靜氣. 不過次次都失敗.

點解次次都要搞到唔開心收場先肯停. 有陣時仲忍唔住出手.

我都知唔好. 無奈真係好激氣, 好難教. 好聲好氣, 總係左耳入, 右耳出咁. 至於佢個脾氣, 我都知, 佢係响我身上學番黎, 就因為每次我太勞氣, 次次都用好大氣咁口喝止佢, 自自然佢就有樣學樣, 不論係屋企又好, 街又好, 一遇到唔如意既事, 就會大大聲去發洩. 而我一見佢咁, 我就梗係怒火中燒, 沒停沒了.

有陣時佢仲會學番我口吻, 講番我之前鬧佢既嘢黎反駁過.


自己好失敗, 自己都控制唔到自己, 又點搞得掂個仔.

我希望由今日起,, 自己可以慢慢戒掉呢d 粗聲粗氣. 希望由自己入手, 順延令家希慢慢跟隨.

成3 歲幾, 都唔知改唔改到.