【初次遊黃金海岸沙灘】

霖霖表姊終於考完試放監出動.

不過撞正放假先黎打風, 真係好掃興囉.

點知一早起身, 個天勁藍, 仲猛太陽.  我地既沙灘之約都可以順利進行, Yeah !!

約左姑奶姑仔食牛一, 咪因為個午餐只係68蚊加一, 仲要任食, 真係好抵食.


家希依然唔駛錢. 對我黎講, 梗加抵啦.
一入席, 大家都唔理三七, 二十一就沖去拎嘢食.

家希就係位度負責睇袋喇 !

68蚊包一碟肥牛.

60分鐘, 滾呀滾, 食呀食, 眨下眼就過.

根住Join 埋Papa, 拎埋d 架撐, 就向沙灘進法.

仲唸住風打唔成, 又唔落雨. 天藍藍, 又有d 雲, 真係好Pefect  !!

今次揀左去黃金海岸, 貪佢d 沙又細又幼囉.

相比蝴蝶灣, 呢度真係好舒服. 不過就無遮無擋.

點知玩左陣, 越黎越曬.

要轉一轉陣地.

我地個個忙住拎袋拎架撐拎鞋, 勁狼狽之際, 但呢個家希就以為我地走.

喊到不似人形, 激屎我.

轉震地, 租埋支太陽傘, 就Fit 晒.

佢地3個細路坐係傘下玩, 就唔會曬得太勁.


可能係人造沙灘啦, d 沙真係好靚. 又乾淨.

撞正今日唔多人, 真係好正!

姑奶仲話, 如果好天, 呢度人多到插針都插唔入.


愛上玩沙既家希, 連行近個海都唔驚.

仲好Enjoy 咁. 真係好嘆呀你.

玩完水, 又返上去玩沙.

挑戰自己既重量, 成個人踩上個兜度.

踩都唔止, 仲要成個人坐埋落去. 浸下水.


見表姊落去打水, 玩水槍, 家希又要玩埋一份.


自己都帶左支細既吱吱水槍仔.


玩到咁上下, 仲自己拎埋個兜落去換水.
估唔到佢真係幾大力下喎.


換完水, 仲要自己拖番上去. 勁~

表姊掘既窿, 家希又埋去搞搞陣.

其實佢都好Enjoy 係度玩沙, 舀完d沙又加d 水落去. 重覆又重覆.

沙灘上有個獨木舟

咪以為今日唔熱, 雖然唔係猛烈陽光, 但都熱到飛起.
要不停飲水, 補充下.

個太陽開始落山, 支傘要移一移位, 遮一遮d 光.
家希幫手堆沙.

搞掂好支傘, 又再盡情咁舀沙.

表姊個窿掘好左.

傻仔係沙灘上奔跑

問左表姊借支槍黎玩.

玩完表姊支槍, 就返去拎自己個支, 仲話邊個曳, 就射邊個.
最後仲識得話自己曳, 要射自己喎.

估唔到我地係沙灘玩左成3個鐘.

晚飯仲走去食海鮮.


家希第一次食螺. 一隻起兩隻止.
教左一次, 就識得自己撩佢出黎.


食完海鮮仲唔夠喉, 去埋隔離食糖水, 真係好滿足既一日.