【蛇年初次下水禮 】

咁多個週未黎講, 今日極好天. 太陽猛到可以拎D 棉被去曬囉. 當然我無咁做到.

上晝去左搞註冊, 下晝就趕入天水圍Join 姑仔佢地食過晏先. 跟住Hea 到會所泳池下半場Opening.

繼上個月沙灘樂後, 今次係首次下水禮.

原本想去嬉水池, 不過老公話咁好天, 公家泳池實爆多人. 改為去姑奶會所會舒服D

呢個選擇確係無錯. 會所泳池真係無咁多人. 又有暖水池. 仲要幾棟樓圍住, 唔駛驚曬黑.

我地仲帶埋水槍, 當係無乜人既情況下至玩, 癈時錯手射親人就唔好啦.
 

Papa 唸出既鬼主意, 潛左落水底推家希.
睇落家希似自已游緊咁.

點知.....
哎呀 ! 家希被推左幾下, 連頭都浸埋落水. 嚇死人喇.


事後, 梗係飲左幾啖水啦.

出水芙蓉

學表姊一齊曬日光浴

家希套泳衣都著左3季喇. 今年仲好明顯有D緊. 著埋今年就要報銷.

家希已經第三年係呢度玩水. 今年又再比舊年進步. 唔再下下都Papa 扶住, 抱住.


自己攬住個水泡, 浮下浮下, 不知幾過癮.

倆個人鬥快游. 其實係爬至啱.

任何時候都攬住個水泡, 好搞笑.

仲被表姊射水, 仲不停大大聲聲講, 唔好射我呀 !!! 唔好射我呀 !!!


落水還擊.


家希係BB池度都可以啱啱好企係度, 所以佢最鐘意留係BB池度玩.

仲不停咁Bu 水.

 

玩左成個幾2個鐘, 係時候要上岸. 更衣室又得個2間, 擺嘢又唔方便.

衫都唔換, 褸住條毛巾直接上姑奶屋企沖涼就算.

玩完水, 個人特別攰同餓.

睇下家希個食相幾咁狼吞虎燕.

食完壽司仲未夠喉, 去食埋甜品就Very Good !!
除左B仔之外, 其實許留山都係唔錯既選擇.