【探親 ♥ 曼谷の旅 Day 2】

成晚要3個人屈蛇係一張床,家希又狂碌黎碌去, 打晒風咁, 搞到Mama我瞓得唔好, 成條腰骨鬼死咁痛 .

朝早....當地時候6點,即香港7點就起身.

細舅父困起d狗,家希又o益住要睇狗,明顯佢地對家希虎視擔擔, 細舅夫話, 因為家希最細粒, d狗要蝦佢喎.
叫我地無咩必要就唔會出花園.  ((以上對話都要靠婆婆翻譯.))
 

天光光, 叫家希埋去地主度拜拜.


之後就吹下Bubble, 散下步.


點少得係咁影相吖.


仲有十幾架Benz任影.


相信呢8日, 家希手腳更加協調, 每日上落樓梯係必要既.


呢度工人準備早餐好鬼豐富,唔講仲以為晚飯時間添.
味道仲相當好味, 家希食到唔停口.

食飽後,婆婆忙住執一袋二袋,準備出發去其它親戚.

每度到此一遊後, 準備向我地第1個景點出發喇.

翟道翟

只係六日開放,趁今日禮拜六,一於去行下

天陰陰唔算熱,熱都唔及香港熱.

呢度真係乜都有,好似跳蚤市場,真係好鬼大, 相信行足1日都唔夠時間.
婆婆話係度買嘢要講價,其實佢呢度既嘢已經平架啦!

寵物區. 不過好鬼臭. 又有雞又有鵝又有狗.

行左個幾鐘,老公有收穫,仲話呢度真係好大,唔夠時間睇.
行到咁上下, 都開始曬同熱.
正正呢度有個商場, 又係好多嘢睇. 衣肚去左 Food court. 

Food court要買咭用,增值每張100Baht.
用完可以退番錢.

家希既戰利品.