【探親 ♥ 曼谷の旅 Day 7】

話咁快, 聽日就走喇! 要買既嘢都差不多買晒.
今日我地去唐人街.
發現其實呢幾日我地去親既地方全部都集中係晒附近.
未去唐人街前,舅母帶我地去参觀呢個寺, 特點個佛係真金.


之前睇旅遊書, 知道某D寺係唔可以著短褲, 原來呢間佛寺就唔比. 好彩Mama 我早有準備, 拎條圍巾圍住下半身. 咁就過到骨.

未入寺前, 許個願再掟個銀去個兜度, 家希又要掟.
咪以為易掟. Mama 我掟左2次都唔中, Papa 掟第2次就中左, 家希...梗係掟極都掟唔中啦.


拜完神, 婆婆比家希入錢錢.


佛寺其中一層有得參觀, 類似泰國歷史.
睇番以前既泰國, 幾似我地香港博物館.
值得參觀.








踏入唐人街, 第一時間去左舅母介紹之一食豬雜既檔口.


飽飽過後, 婆婆阿E同舅母就行街市, 我地悶到哩 !!!!!!  又熱喎!
家希頂唔順, 瞓左. 好彩有BB車咋.

不過話明行街市, D 路又窄, 又成日有車仔出出入入.

另外街頭真係好多街邊檔, 不過D 烏鷹多到哩...好得人驚囉. 見到都無胃口.

蟹, 應該係大閘蟹, 乜D 蟹死左唔係要即刻食架咩, 可以灘係度咁耐架?

燒香蕉屬當地特產, 味道都唔錯.
 

 

晚飯, 去左食地道泰國菜.
呢個冬陰公真係好好味, 同香港食開個D 好唔同.