【探親 ♥ 曼谷の旅 Day 4】

每朝食完早餐, 家希總會周屋走, 呢度既好處, 夠大, 對小朋友黎講係開心既, 周黎周去.
朝朝都玩到出晒汗.

準備出街前, 同家希沖番個靚涼先.


今日細舅夫帶我地MBK,好多香港人聚腳地方
呢度賣嘢平,有d似羅湖商業城,有7層高，每層都分晒類. 婆婆同舅夫無精力, 留係 Food court休息hea 吓傾吓計.
而我地就好似跟團咁, 有幾個鐘自由活動.所以決定搭BTS,即香港既地鐵去其它Shopping Mall. 佢地幾個大型又出名既 Shopping Mall 都係BTS沿線,亦係旅遊書介紹之一既景點.
唔明點解, 佢地BTS 既車箱係密封晒,想𥄫下入面邊度有位都無辦法.
仲有勁之奇怪設計,電梯只有上,落就要young樓梯,我地托住架BB車,都幾係下,唔知係咪坐輪椅既人就唔可以搭BTS?

比香港呢個城市真係好好多,周圍唔係斜路就有電梯同Lift.


由MBK 搭1個站再轉線搭多1個站就到四面彿


尋晚黎過呢個 CENTRAL WORLD.

今晚目標係CENTRAL WORLD 對面既Big C.


每日都係呢d時候,家希都瞓覺,而我地可以抖抖靜心睇下嘢.

Big C係最大型既超市,有d 似我地以前既家樂福.
芬逢藍梅汽水.唔知好唔好味呢 ?



之前做過資料搜查, 知道呢度既柔順濟好鬼抵.點忍得手唔買喎!!