【探親 ♥ 曼谷の旅 Day 5】

今日如常朝早流流起身, 佢地完全好似無意識會出街.

成日流流長, 真係悶到發瘟.

老公提議出街口間7仔買嘢. 總好過係屋企白無聊賴.

成功逃獄,梗係要影番張相先.

(白色個度閘, 咪就係我細舅父屋企囉)

由佢屋企行去街口既7仔會經過呢個市雜, 不過時間仲早, 未開檔.


再經過有電話亭, 貪得意拎住影下相.


其實成個泰國見到最多就係7仔.
真係梗有一間係你左近囉.

入面好多嘢賣, 買番幾盒果汁比家希先.


好鐘意飲佢地當地既牛奶 - Meiji, 原來佢地都有A+喎 !!


其實黎7仔另一個主要目的, 就係家希成朝都o益住要食雪條.
就買番支比佢, 等佢開心下.


逃完獄, 係時間要返去.
舅父既朋友黎度, 仲買左好多野食黎.

當地人真係好鐘意打邊爐囉.


仲有唔會酸既芒果燸米飯.


仲有好清甜既椰青

消暑解渴, 認真一流


消終於出街喇!
細舅父帶左我地去近屋企附近一個商場, 我個人認為除左美食個層最吸引之後, 其它都無乜嘢好眼, 同香港無乜分別.


呢個米通好好味,執左唔少做手信.


又係行行下, 呢個家希又進入左睡眠時間.


晚飯時間, 只不過係當地6點咋.呢度都有8番拉麵, 估唔到泰國既日本拉麵都一樣咁好味.