【試堂の點叢虫畫班】

呢間畫室,紫婷一直都係度上堂, 紫婷 Ma 都推介我好幾次.
其實Mama 我都好有興趣, 見過紫婷既作品, 正係Mama 我杯茶.
唔似之前個畫班咁.

不過成日都覺得個地點唔多就腳.

正當上個禮拜, 紫婷 Ma 帶我去參觀及問吓資料.
有小朋友正在上緊堂, 越睇就越想比家希試下.

最後安排左今日去試堂.
家希知道劃畫無Mama 陪, 沿途已經不停講. 最後Mama 答應買糖糖獎勵.

呢個時段, 計埋家希都只不過係4個小朋友.

2個姐姐對4個小朋友, 仲要其餘個3個小朋友年齡輕大.

變相可以1位姐姐對家希一個.

入到去, 著起左件畫衣, 家希D 眼淚大大滴滴流出黎.

由姐姐抱入去後, 隔住塊布仲聽到家希喊聲, 不過仲肯同姐姐有對答.

估唔到只係10分鐘, 眼淚收晒, 仲大大聲答姐姐問題.

趁呢D 時間, 我同紫婷 Ma 去超市逛逛.

原先姐姐仲話, 小朋友第一次上堂, 如果唔適應, 未必會比佢上1小時.

估唔到家希可以完成1小時既課程, 仲同其它小朋友手拖手去廁所洗手.

趁家希去左洗手. 另一個姐姐講番家希情況. 如我所講, 只係喊左一陣已經無事, 可以投入劃畫. 不過臨落堂又無拿拿想喊, 仲係尊登谷眼淚, 知道佢係"炸第". 相信係因為Mama 我正正係舖頭後係d "那"位裝家希而令佢扭計.

最後Mama 我都Join 左, 仲問家希開唔開心, 佢大大聲回應話: 開心.

臨走仲錫左姐姐一啖.