【Kidssha 咔嚓嚓, 狂歡派對】

呢個 Event 係我攝影既Miss 搞.

本來係8月中舉行, 可惜報名人數達唔到目標.

勁失望要改期.

終於等到呢日, 今次主題係 Halloween, 由於我地係會員, 門票有8折.

其實3佰幾蚊位, 雖然係Buffet, 不過嘢食唔算多. 不過就當支持下Miss 佢第一次搞咁大型派對啦.

 


未夠鐘,周圍影下相.

家希, 你想點? 叫極佢笑都擺出咁既樣. 嬲爆爆咁.


終於開懷d 啦.

今日Party 係CINDERELLA ROOM 搞 !

 

 

入口處,登記過後, 等入場中.

好靚既背景

今日個MC, 係903 既DJ

 

MC 介紹後, 點少得Miss 上台致詞

小朋友對舞台特別有興趣, 走黎走去.

 

大會安排左化妝師幫小朋友化妝,
家希唔肯, 最後姐姐無奈畫左個十字架.


 仲有夾糖灘位.

家希好叻仔, 識得用左個夾仔黎夾得起塊薯片.

 

 

 

拎住成個兜, 可以返埋位慢慢食.

 

未開食嘢前, 大會仲安排我地每一個Family 同米奇&米尼合照
由於時間關係, 唔可以用自己相機, 只係大會安排, 稍後會sent 番張原相比我地.

 

點半開始係Buffet 時段. 大會唔會混亂, 頭段就分枱號輪流出去攞嘢食.

 

睇落d 嘢食都幾吸引.

Mama 我都無食過呢個雞肶添.

迷李漢堡包
 

 

未開始遊戲, 介紹既大會既VIP, 莫可欣同嘉嘉一家


大會其中一個環節係比賽跳舞, 分幼兒組同小童組.
幼兒組比賽好簡單, 只係跟住個導師擺動身體.
不過家希一上台就放軟晒個身, 明係玩嘢囉.

 由於幼兒組係最多人, 等待途中, 家希玩住填色先.

紫婷Ma 一家仲抽到上台扮嘢自拍比賽, 仲拎到獎

另1邊仲有個佈景供給我地影相.

 

 

後段時間, 仲有個特別嘉賓, 即影相機收藏者上黎同大家一齊分享.

呢2個小朋友一熟絡左就糖黐豆咁. 



家希見過米奇後, 仲成日話要搵米奇鼠,
帶佢入商店街攬番隻米奇當報數.