【剪髮 III】

對上一次剪髮係7月尾, 3個月至黎剪一次都差不多, 如果唔係婆婆成日o益住家希頭髮長, 我應該仲要拖多一個月.

平時剪開成百三蚊架, 講真係有d 肉赤囉, 淨剪咋!

而家佢仲搬左去元朗, 咁鬼遠! 老公細路仔d 頭係樓下搵間Salon 都得啦.

所以我地就膽粗粗去商場兜個圈.
沿路我都有單聲比家希知去剪髮, 剪完就靚仔晒.

Walk in 揀左呢間, 40蚊就有交易.

家希今次好叻, 一滴眼淚都無流過, 值得比十個讚.

一路剪, 傻仔好八卦, 係咁望, 好似好緊張自己個頭會剪成點咁.

雖然係40蚊咋. 但呢個姐姐都好比心機同家希剪.

埋單比錢個陣, 家希仲同姐姐講, 唔該姐姐. (當然係Mama 我係背後教佢講啦)