【追月の中秋節 + 國慶日 2012】

今日計劃好多地方都想去. 唸成朝未諗掂.
之後老公約姑奶一齊去遊車河.
地點: 赤柱

姑奶咁耐之黎只去過1次.
的確呢個地方, 對新界西既人係偏遠左.
仲要一家大細, 唔揸車真係唔多方便.

老公泊車中, 我地逛住赤柱大街影下相. 家希又古靈精怪喇.

經過有個Playground, 2個小朋友已經深深被吸引了.
人多哩 !!!

中途點知仲撞到紫婷一家. 夾都無咁啱.


原本打算食番我地去開個間餐廳, 不過要等成個鐘至係Tea Time.
最後揀左德國餐廳食Tea Buffect.

哇~ 連續3日都要Buffect 喇 !!

有電話玩, 咪乖乖地自己食嘢囉.

個半鐘既Tea Buffect, 雖然野食唔多款, 不過都食得好飽.
食飽飽又捉家希影相.

貪玩家希, 呢度捐個度捐.

之後再去埋沙灘玩. 其實家希好想玩沙, 不過又唔鐘意d 沙黐住自己隻腳.
好彩之前係BB車攝左個垃圾袋, 當地墊舖比家希坐.
佢就好開心係咁舀沙.


家希大左, 好鐘意有伴. 唔再似以前細時成日都黐媽B.
終於可以有鬆一鬆既時間.

細表姊...係佢其中一個好鐘意既人.
慶幸家希係全家最細既一個, 所以特別受竉.

 

逛到5點幾6點, 係時候閃人.

走既時候, 四圍都好多人等車. 巴士站完全人山人海, 幸運我地唔駛迫巴士咋.

下一站....圓方.

呢度Mama 我都係第一次黎, 大鄉里添.

姑奶成日帶個囡黎度呢溜冰.

我地又膽粗粗玩陣. 原來而家溜冰好平架.

30蚊租企鵝, 每隻企鵝都有佢間屋. 好搞笑!!

一早預左家希實哇哇大叫.
未玩前就興奮, 點知一踩入冰場, 仲未控制得好自己對腳, 又驚跌 ! 所以咪鬼殺咁嘈囉.

不過唔緊要啦, Mama 我至在比家希試下啫.

換番自己對鞋, 又企得穩, 就得得戚戚

 

原本無打算睇煙花, 點知Hea到差不多時間, 橫掂係西九附近, 就睇埋煙花啦.
呢度無尖咀灣仔咁多人. 可能空擴呱, 但相對煙花就無咁近. 但都可以睇晒.

睇完煙花先去衣肚, 返到屋企都成11點Lu.
玩左3日, 放晒電, 成身散晒 !!