【也為鴨狂】

隻Rubber Duck 終於黎左香港, 全港期待,
5 月頭終於游到尖沙咀, 人潮多到要迫爆個碼頭囉.
趁今日婆婆要覆診, 晨咁早, 老公開工前車我地倆母子出尖沙咀影鴨, 係咪好瘋癲, 無法啦, 想影靚相嘛 !!!
晨早9點既海運, 真係只有返工既返工, 返學既返學, 強國人又未咁早起身出門.

只係零碎幾個人. 已經好夠足.
 

差唔多張張相, 都唔會有D 所謂路人甲乙丙既身軀或者手腳攝入鏡, 好開心, 可以盡情咁影.

人細鬼大, 叫佢擺Post, 扮鍚都做得好似.
 

Papa 傑作. 其實我都覺得唔係太好. 不過Papa 又話無踩佢, 只係坐啫.
 

開始不耐煩, 又話太陽猛猛, 燦眼喎!
 

巨鴨個邊, 由於個鏡頭唔夠Full Frame, 影到咁, 都算係咁喇.
好似好溫馨既一張相.
影左半粒鐘, 去老麥嘆早餐. 個一刻係度唸. 如果唔係返工, 日日都係咁遊閒, 你話幾好丫.
不過為左錢, 為左生活可以好D. 呢個念頭比我幻想下開心下就算喇.
 

食完個早餐唸住再返去影多幾張既時候, 已經開始多人.
唯有拖住家希走去海運上面既Car Park再影過. 由高處影落去有另一番味道

今日唔算熱, 陰陰天, 不過都搞到我身水身汗.
似唔似想咬Rubber Duck


Car Park 仲有支大炮, 無聊影下.
 

影夠都係返去商場嘆冷氣.
冒險樂園都係啱啱開閘咋. 我地係第一個顧客, 仲要係搵吉個隻, 齋玩無入錢.

玩夠再去反斗城. 家希完全識晒d窿路. 玩完一樣又一樣.


海運商場入面其實無乜點佈置, 但都有個展覽廳 , 可能 Rubber Duck 未游到黎海運, 所以個展覽廳唔算多人,

其實個展覽廳好細, 如果人多的話, 想影都幾難囉.

 

呢張Poster 真係好靚.