【蛇年首度玩沙樂】

估唔到連續2日都咁好天, 真係非常Good.

晨咁早, 8 點幾, 呢個家希就醒左, 醒左唔緊要, 之不過, 佢就不停面貼面咁精神上騷擾. 想恰多陣都唔得.

10點出門去食麥記, 為既咪係玩具囉. 不過背後代價贈送多張三百二既牛肉乾, 真黑仔.

家希畫畫去, 我地倆公婆唸住兜下D 細型商場, 睇下有無我公司個副 Lego. 成11點幾, 乜仲未開舖架.

大清早11點幾咋, 已經又曬又熱, 完全唔想再停留係條街度.

見咁好天, 我地舀沙之約終於實現喇.

晏晝等埋姑仔表姊, 一齊食個下午茶就向沙灘出發喇. 未出發已經好興奮.

早有準備既我, 未出門梗係要搽定支50度既太陽油喇. 以免我同家希變左隻黑忟忟既豬.
        **  **  **  **  **  **  **  **  **  **  **  ** 
去到沙灘, 咦 ! 點解個沙灘咁窄既. 原來係水漲喎.

好彩樹蔭底基本上都迫滿人, 好彩都攝到個靚至於, 又可以近距離睇住佢地玩. 真係唔錯.

睇佢幾咁Man , 抬住d 玩具去玩咯.


仲記住舊年, 家希一落沙灘, 對腳掂到d 沙就鬼殺咁嘈. 最後搵到個小河流水, 又水又舀沙至控制到佢不安既情緒. \

如今條小河流水由於水漲關係, 唔再係小河, 不過都足夠佢地玩既. 

 

呢度又有水, 又有沙, 舀起上黎都幾好玩既.

又可以玩玩水.

玩左陣水, 都係轉而陣地, 返去舀沙喇.
家希呢副模樣, 好老積.

見到表姊支水槍, 又要玩.

不過10蚊雞貨色, 玩二下就打柴喇. 真係 Cheap !!


專登黎沙灘前買左呢副工具, 大大件, 又多配件, 真係咁好玩, 玩到自得其樂咁.

玩玩下, 又見Papa 食雪條, 唔理三七二十一, 即沖埋去食呀食. 為食仔.


繼續佢既玩沙樂.
呢副工具最正係有呢個流斗, 倒d水落去, 個輪盤會轉.

手沾滿沙, 都無覺得討厭喇.

又到Mama 我食雪條, 又係比家希搶左喇. Papa 要食一啖, 為食仔梗係唔肯啦.

再去個海邊玩.
真係大過仔, 係唔同d, 往年見到d 浪就已經拎轉頭走.

今日既佢, 開心死.

當然都會避.


不過又避又要玩咁囉.

表姊好努力掘窿.
家希企落去, 真係有半個身咁深.


家希話, 咁樣坐係度, 好舒服喎.


叫佢坐定定, 嘗試用沙埋左佢對腳.

無耐就唔肯, 要逃走.

臨走要埋番個窿, 家希又幫手.

今日真係好正, 玩左2個鐘, 唔算好曬, 坐係個沙灘上完全覺得好舒服, 舒服到真係唔捨得走囉.
返婆婆屋企前, 要去沖一沖身先.