原來要預約,費用全免,每日4 Round,每次最多60人,最少15人
網上有得預約,不過最快都要6月頭既週末至有位,膽粗粗打去問下,點知今日彿誕最後個場仲有位攝,拿拿林同姑仔Confirm就落實.
由於個天好唔穩定,原本係Plan好去舀沙再去博物館,最後沙灘節目要擱置,改去沙田食晏.
原來呢個館係火炭津津個頭,點解以前黎呢頭食嘢唔覺呢棟嘢既.
呢個館係稻香集團之一,叫「稻鄉飲食文化博物館」,原來呢度仲有得飲茶添.
家希係電單車迷, 每次見到電單車都雙眼發光.
今日所見都有二三十人,全程1個鐘3個字,有9個字時間係導賞團形式.
稻香歷史呢家嘢,我真係無興趣,最大興趣梗係影相喇.
家希就開心,走黎走去,我就似個瘋婆咁追吖,o益吖!
話明係博物館, 梗係要將音亮收細啦.
其實呢個館有好多道具都拎得起. 基本上你埋去影相, 都忍唔住要拎起黎影囉.
雖然係有個講師係度介紹講解, 但都有一個跟班昅住我地. 尤其有小朋友, 佢好似吊靴鬼咁. 好鬼煩.
好欣賞佢地D 佈置, 真係好逼真.
第一次咁近距離揸住把刀, 係咪有D 緊張呢 ?
D 碗係真架, 玻璃黎架, 所以真係要好小心.
家希扮斬雞. Papa 話要做食客喎.
呢個賣雞蛋仔檔都好真實. D 功具大係全部拎得起. 連D 雞蛋仔都係軟棉棉.
隔離檔牛雜. 唸起如果街邊有檔咁既牛雜, 我應該唔會埋去.
呢條友仔, 居然對個籃散子有興趣多D.
舊式既茶樓. 而家真係好少機會會見到.
麻雀館都係香港特色之一.
麻雀館外邊有枱麻雀係度, 其實寫明請必觸摸, 我地唔守規矩囉.
最後被吊靴鬼發現. 仲黑晒口面.
睇黎而家已經無乜結緍既人會用呢個大龍鳳做 Blackground .
呢個就係滿漢全席. 聽就聽得多, 見都係第一次見. 真係咁多嘢食架 ?
家希身後係一個一個裝藥材盒,
唔多明白同稻香有咩關係.
古時既人應該用呢舊嘢黎磨豆
呢度有好多小擺設, 真係忍唔住手要拎黎影下相. 扮下小皇帝先
中段有個環節係睇3D 電影, 主要係講稻香點起家啦.
當然我地又係趁呢個時間, 人人睇電影, 我地就周圍任影相.
片長15分鐘, 之後到自由參觀活動時間.
大火煱爐, 真係仲大過家希.
呢排石油氣既煲仔飯, 佢D 煲真係堅嘢黎架. 家希揸住個陣, 我都心慌慌.
究竟家希身後果個係咪毛澤東 ?
仲有D 好細緻既小玩意.
沒有留言:
發佈留言