途經尖東忌兼哥既報紙舖, 咦~ 點解靜英英既, 原來忌兼哥匿埋左.
無法啦, 唯有同忌兼哥既大紙板影相喇 !!
反而佢個FD, 就懶洋洋瞓覺, 無人影.
影親相都搞一輪, 點知一笑就開始大風, 吹到頭髮亂了.
第一站先去科學館.
姑仔話, 可以買期票都係30蚊咋, 1張飛通行, 响1個禮拜內無限次去呢幾個館.
科學館真係幾多嘢玩, 玩既意思咪係撳囉, 可以呢度撳下個度又撳下. 小朋友咪就係最鐘意咁囉.
撞啱有班學生團, 搞到成個館都係著住校服周圍亂走既細路. 好彩好快佢地就走喇. 終於可以舒舒服服周圍睇下嘢.
頂層有個兒童天地. 呢度都幾多嘢睇下, 玩下. 科學就係咁奇妙.
呢個波比條管吹住, 可以Keep 位升起, 唔會跌.
仲有個泡泡區, 咦 ! 乜咁似啱啱做完個套公益金其中一幕既環節.
唔夠高既家希, Papa 協助下, 終於拉出一個大 Bubble.
睇下家希個衰樣, 又發老皮.
呢度仲有個模擬揸車遊戲, 撳左張飛, 要等成30個幾.
每人玩3分鐘, 起碼都等90分鐘喇.
等咁耐, 梗係去第二度玩住先.
我地再去底層睇下有咩玩.
唔夠高要Papa 抱起, 成功同時雙手放手.
呢舊其實我都唔知咩黎, 應該係關於力學既嘢.
再過去奇妙鏡世界.
家希得番半身, 好恐怖呀 !!
另一塊鏡可以照出好多個家希.
量高度, 仲未夠100cm
不停咁轉個手制, 果2個汽球既物體會時大時細, 原理類似肺部.
奇怪屋, 入左去, 家希突然變大左.
有個巨大既恐龍骨, 唔知係真定假呢 ?
隔離有d 由精子+卵子結合成既肧胎, 再成變BB既標本.
玩到咁上下, 差唔多到我地喇.
終於排到家希上車. 未夠120CM高要由家長陪坐. 家希有得揸住個呔, 就已經好開心, 睇佢個樣幾認真.
唔經唔覺, 係呢個4層高既館, 都可以玩足4個鐘.
臨走發現唔見左 Mama 我.
先去翠華食個Tea 先, 奶油豬必選
食飽再去歷史博物館.
舊年Easter 第一次帶家希黎過.
今年再黎過, 最大原因係換左相機, 終於可以係咁暗既環境都影到相喇.
呢棵許願樹好似係新增.
帶左頂帽, 似唔似漁民呢?
長洲個包山就睇唔到, 黎呢度都有幾座包山架.
連飄色都有得睇.
呢度有好多香港以前既歷史, 真係幾多嘢睇.
仲有好多取景既地方.
仲有架電車可以上去坐坐.
舊式既士多仔.
以前既小朋友就係成日齊齊坐凳仔.
紅A呢個牌子而家好似少見有少
歷史博物館有3層高, 由400千香港一路去到現在.
另外個館側邊多左呢個山泥傾瀉既展
回顧番由70年代起, 好多地方都有山泥傾瀉問題.
個展覽中有呢個射槍遊戲.
仲有好多圖片
沒有留言:
發佈留言