【熱爆迪士尼】

繼3月頭後, 今日又再係紅咭可以入黎玩既週未.

連續幾日都有雨, 勁擔心今日唔好天. 幸好天公造美. 
 

我地未夠12點就入到去, 皆因想玩 Toy story 既降落傘. 時間尚早, 排幾個字就玩得.

次次排隊, 唔係話口渴就肚餓. 好彩老公身上有零食, 如果唔係都唔知點塞住佢把口.

家希有玩過跳樓機既經驗, 所以唔驚囉佢.

太耐無玩機動遊戲既我,  原來我係畏高. 升到最高時, 真係心都離一離.
家希就 High 爆.



老公又再去挑戰 U 型過山車,  單人排隊唔駛5分鐘.

今日真係好曬, 帶番副超先.

許願井.

每次經過D檔口, 家希總係要埋去睇玩具.

等緊入Lion King, 真係熱得緊要, 家希就爽啦, 有BB車坐至餘, 仲有風扇仔.

Lion King 門口有相框影相, 氹到家希埋去, 但佢就表演住咁既樣, 你話激唔激死.

第一次睇Lion King, 好彩朋友係白金咭 Member, 唔駛排隊又可以坐最前.
不過我都係鐘意睇 Golden Mickey 多d.

睇完Show 去食晏, 今次揀左去火箭餐廳. 而家唔止食包, 連飯都有.
不過都係覺得皇室宴會廳個邊好食d.

食飽又啱啱好可以去睇Parade, 朋友仔霸定位, 又係可以企最前睇. 

睇黎家希真係對個d 公仔人物有興趣多d, 睇佢真係好開心.

之後再過灰熊山谷

Papa 去玩過山車, 我地就去玩水.

有朋友仔相伴住, Mama 我就可似盡情咁影相.

呢個家希又驚又要玩.

睇佢d 狼狽樣, 真係好好笑.

離開時, 見到咁多人圍住黎睇, 原本有架列車發生故障.

再返去大街, 見到對米奇米妮氣球, 唔買都拎黎影下.
為乜事, 家希要挺住個胸既, 個樣仲沾沾自喜.

Greeter 哥哥令到家希笑得幾開心.

 

較早前拎左巴斯Fast Pass .


 
邊影邊玩, 我都可以拎到20幾萬分, 勁呀 !!

原本唸住差唔多走. 點知朋友仔突然話可以拎到手帶比我地入去新Land度試玩. 梗係要去玩一玩.

入黑既迷離莊園大宅.

由於今日係 Cast Fun Night, 所以唔算多人. 大宅基本上唔駛排隊. 我地一口氣玩左2 Round.  爽呀!
總括黎講, 有某幾個位都幾嚇人, 可能我細膽呱. 明知佢會彈出黎, 但都總係要大叫.




家希都算OK, 無扭計無話驚到唔敢玩.


另外今日餐廳有85折 , 梗係要買番杯藍莓奧秘黎飲. 粒發光冰粒仲可以留番家希沖涼時玩.