【3歲半喇】

趁住家希3歲半, 比個借口我買埋東海堂呢個士多啤梨蛋糕加, 真係好靚. 加埋神奇蠟燭.
可以比家希吹餐飽.

呢支蠟燭最正係, 用口吹係吹唔熄, 家希個奇怪樣真係好好笑 !


吹完蠟燭話要自己切喎.


呢個蛋糕, 全為家希, 佢係士多啤梨狂, 入面 D 士多啤梨 Mousse 又幾滑下.



3歲半既家希, 其實好多方面睇得出家希改變左, 成熟左.
至少係婆婆屋企, Mama 我要走既時候, 唔再似以前咁, 喊晒口, 已經可以好乖咁向我 Say Goodbye. 仲會同我講, 聽日見喇.

講話力能好強倒不如話佢學習能力強, 音唔準唔緊要, 不過成日學晒我地教訓佢既嘢黎講番出黎, 先至頂癮.

到而家仲成日將之前發生既嘢講到係尋日, 佢應該對呢方面有D 混淆.

好奇心都一樣咁強, 乜嘢都問一餐, 可以由朝問到晚,  仲要問到篤, 又成日乜鬼嘢都問點解. 煩到哩 !! 

唔知其它Mama 又會唔會咁呢 ?

主見提議都好多. 仲識得老點我地滿足佢既要求.

夜片戒甩左. 真係可以捱到第二朝至屙. 所以照著底底瞓覺, 舒服D嘛.

瞓前支奶仲未搣得甩. 早排仲同佢轉左澳洲雪印, 以為唔啱佢口味會飲少左, 點知過幾日又回復正常.
原來 12歲既二表姊, 仲飲緊5號喇 !! 算啦, 總算家希仲肯飲奶咪 Keep住囉 !

心痕痕, 買左支麵包超人既泡泡槍.


脾氣方面, 當然一個字「臭」囉.

不過呢條友仔真係識睇人恰架, 婆婆就比佢食硬啦. 而Mama 我仲係企得好硬, 亦因為咁, 至勞氣至激心.

嘗試唔動氣, 但條友仔好聲好氣, 好似當你唱歌咁.

乖既時候, 真係覺得佢好可愛.


早係3歲多d, 家希已經識得直接撥手機號碼打比我. 小朋友記性真係好好. 講過既嘢, 好快就學識.

自4月尾持續高燒4日後, 呢排發現家希長高左咁. 仲有街坊以為佢已經返緊學添.
不過仲未夠高比錢搭地鐵


自理能力, 其實著鞋著襪都OK, 不過識做左就會懶唔願做.

識得自己去VV, 著衫仲未識反而著褲又得喎.

大過仔, 好多嘢都話要自己做, 連沖涼都要自己黎.

屋企玩玩具, 總係任意倒到周地都係, 唔係話亂唔亂既問題, 一陣唔小心咪會跣到跌親囉.


婆婆話, 每晚家希都會瞓前係床度傾計, 傾乜 ? 睡前學泰文.
除了數數字之後, 婆婆開始教家希講日常用語. 睇黎遲d, 家希仲叻過Mama 我.

開心樂園餐既玩具. 好鐘意貼貼紙.


夏天將至, 忍唔住要買d 雪條黎消暑.

同事介紹呢條韓國出品既雪條, 真係好似食緊片西瓜咁囉, 仲有埋疑似核既物體, 其實係朱古力黎架. 真係好好味. 不過成10蚊條, 確係貴左 D.

唔想食既嘢, 氹都唔肯食, 仲狠狠地話熱氣呀, 唔舒服呀, 唔食得.


包 剪 揼
無意間一教就即上手.