【逃學の沙田文化博物館】

係好耐之前, 曾經係Facebook 見過呢隻貓. 一直都唔知係邊度.

又咁啱呢排澄澄媽Post 出黎, 先知原來係沙田文化博物館.

其實幾年幾未有家希, 我地倆公婆都黎過, 但又唔覺有呢個館既.

心血來潮又想去呢個館影相, 可惜晏晝要去 Studio影相,  膽粗粗提出不如逃學唔返畫班 !

中午12點正去到, 見到門外成棚人, 唔下係話.

10入口票, 可以參觀幾個館.

貓相就係 「藝想天開」個 Hall度.

呢度仲有好多小玩意比細路仔玩, 以藝術為主.



不過成過過程都唔好受, D 人係咁拍打D 樂器, 發出既聲音好吵耳.

家希第一次揸粉筆, 亂畫一通. 仲搞到成手都係粉.

非常之辛苦氹到家希著套老西影相.
佢極之不情願, 仲爆喊話唔想著西瓜裝. 唔明點解佢會叫西裝做西瓜囉.

我呢個變態Mama 又想睇下個仔著老西係點既樣,
左氹右氹, 氹到口水都乾埋.

終於係上吊.



由於呢度嘈吵聲真係好滋擾, 最後頂唔順要出去抖下氣.

太陽太猛, 無乜人玩, 啱晒 !!

呢個 Area以環保為主.

傻仔穿穿插插, 一唔留神, 自己撞埋落條柱度.

蛇形平衡木, 仲係無信心要 Papa 扶



木製Sir 滑梯.
淨係影相, 都曬到塊臉扭晒曲.

暴曬左陣, 已經頂唔順, 要去番有冷氣地方索下.

隔離有講關係粵劇既 Hall,
仲有得埋去影相化番個粵劇妝.

呢個就係家希既粵劇 Look !

再過隔離有又D 香港歷史既 Hall.

睇番以前香港仲係個漁港面貌.

呢個篩係裝牛屎, 咁搞笑 !!!

接住就出老尖食翠華.

未開飯就食雪條, 咪因為頭先氹家希著老西時, 答應過佢嘛.

冰鎮奶茶仲出埋酒樽形 !
連我唔好奶茶都覺得翠華既奶茶好掂

真係好香濃好滑 !

我同家希個午餐!
近排佢愛上海南雞飯, 可能D 飯有味呱.