【喪玩花粟鼠堡壘】

一個禮拜前, 約實今日唸住入一趟博覽館搞既動物農莊.
不過大家幾經商量後都係取消改去Playhouse玩餐飽會抵D.

初次試玩花粟鼠, 我地3個 Family 夾埋買七佰幾蚊套票, 包6大3細, 仲可以玩2次. 限期去到10月.
點計都係抵過單次$170.

之前Reseach 過資料, 呢D確實係夠大, 小朋友走起上黎真係好High. 又有好多地方比我地家長坐下抖下傾下計.
任玩全日, 只需帶住條手帶, 可自出自入.

我地晨咁早未夠11點去到, 計埋我地, 只有4個Family, 真係好有包場 Feel.



彈床斜坡, 首先要攀爬.



成功到頂點. 玩左陣, 佢地對襪已經黑忟忟喇 ~~


呢個斜度真係好斜下, Mama 我親自上去玩過一次. 都幾驚下.
不過玩多幾次就變左好High!

初次Sir要表姊陪住一齊 !

哇~ 一聲, 佢把尖叫聲響到吖.


之後表姊都未上到黎, 家希就已經Sir左落去.

  

再行入D, 有個4層樓高既Playground.

我都無咁好精力, 家希同表姊走上走落.

見D Blog 友話呢個滑梯好勁, 不過睇見家希Sir 又唔覺得厲害喎! 
 

可能佢輕啦, 所以Sir到一半就停左, 要自己用腳撐下再Sir過.


轉移肉步, 再上最高個層Sir呢d 扭紋梯, 三表姊弟玩得好顛下.

家希自己單人挑戰 



對於腳掂唔到地既感覺, 家希總係驚驚青青.
 

暗角位有個波波池. D 波鬼死咁硬, 比佢咁掟一下, 講真確係幾痛下囉.
 

跳彈床, 係細路都鐘意跳架啦.
  

表姊拎左d 波過黎, 一路跳, D 波就一路彈. 佢話好玩D 喎 
 

 

  

家希好鐘意呢間屋, 仲話係佢屋企喎~



皆因間屋特別之處有個門鐘可以撳, 仲有叮噹聲 !  

叫佢玩第二樣, 踎晒地唔肯走.
 

中途有個小妹妹係咁拉家希, 要同佢玩.

呢個仔又比檸檬人地食. 搞到我地家長幾咁尷尬.

家希行去邊, 小妹妹又跟住. 出奇地家希肯比小妹妹入屋, 不過係眼看手勿動, 真係比佢吹賬 !



其實呢D 都有BB 區.
Fing 幾下千秋就話要落地.
   

 

玩左個幾鐘, 我離場過隔離荃新天地食壽司.
我Order 呢個Set 最抵, 只係50蚊包1碗迷仔魚生飯, 迷仔烏東, 滑蛋同幾件天婦羅. 啱晒我地倆母子.

衣飽肚又去戰場再喪玩過.



仲帶埋即影相機影相添.

跳彈床, 好多小朋友都走左上去狂追逐.
 

等埋Papa 再彈呢條滑梯.

另外有個揸車區, 真係好多車, 唔駛爭. 不過多得濟, 家希揀完呢間又要第二次, 上上落落都幾廿次.
 

呢度仲有幾間開Party 既Room. 有生日Package.  

室外仲有個水戰區.
  

總括黎講, 可能有先入為主既感覺, 如果人少都覺得OK, 一人多就感覺好似好Dirty 咁.
而我呢個潔癖Mama 就不停提家希咪卒眼抺咀. 定要要去廁所用皂液洗手.

設施既損壞情度, 尚可接受. 不過姑仔同表姊各自唔小心整損左.

冷氣方面, 可能佢係玻璃外圍, 猛烈太陽射住加上走黎走去, 真係好似無乜冷氣咁.

不過咁樣都好, 起碼唔驚冷氣勁得濟, 攝親. 四周都有一部一部巨大既風機, 坐埋一邊唔點郁, 其實都接受到.