MegaBox 間 Playhouse 搬左又裝修埋, 大過以前成3倍, 唸住比佢地兩表姊弟玩番餐.
點知人太多, 人流管制關係, 要等2個鐘喎 !
話時話, 今日唔知咩事, MegaBox 確實多左好多人, 又唔見有咩 Funtion搞, 點解好似人頭湧湧架.
一場黎度, 梗係要影埋 Winner The Poon.
又係插針咁插入去. 好得人驚 !!
既然無得玩Playhouse, 去左零碳天地睇下.
公司未搬前都仲未整好, 終於有幸黎睇下.
入面有導賞團, 但要上網Book時間, 都係介紹一D 環保低碳既嘢囉.
呢度好多一舊一舊好似家希咁高大既公仔. 仲可以郁添.
零碳完就去九龍灣公園放電.
4點幾, 已經無咁曬, 加上又無乜人. 玩起上黎都唔辛苦.
對上個次黎, 已經係一年前既事.
經過1年既長大, 家希放膽左好多.
好多嘢都肯嘗試去擒.
平衡木, 初初都要扶, 再黎玩多次, 自己嘗試行, 叻叻 !!
呢度最多滑梯. 又唔急, 玩起上黎都安全D嘛 !!
再去埋觀塘海濱公園, 對面仲望到個遊輪碼頭.
呢度個 View 好正, 啱晒黎睇日落.
沒有留言:
發佈留言