【試堂の文協舞蹈班】

每次音樂起, 家希總手舞足蹈, 有陣時佢仲會自我陶醉, 自己哼歌自己Fing 黎fing 去跳舞.

心郁郁就幫家希搵左間嘢學跳舞.

早一晚, 家希仲好期待, 成日問幾時去跳舞. 我仲反問佢, 係咪會跳架 ? 寸寸咀既家希仲話梗係跳啦.

大會堂都係第一次踏入, 原來呢度好多間Room.

7個小朋友, 只有家希一個係男仔.

仲要個個都著晒芭蕾舞裙.

初次見到, 都估到佢實怯. 陪左佢15分鐘, 靜雞雞逃離現場.

一個鐘既試堂, 家希呆望多過做.

而我係門外, 不停咁唸, 其實我比佢去學跳舞係咪錯既選擇 ?

呢個想法, 足足俳佪係我腦袋度.

Whatsapp張相比個跳舞既朋友問下意見, 仲話應該學Jazz會好d, 芭蕾舞可能嚇親家希喎~



落堂後仲聽Miss話, 家希臨尾開始肯投入, 仲話可以再試多堂.

傻仔仲見到其它同學仔排排隊蓋印仔, 自己都好想要.
睇佢, 幾咁期待咁等Miss 蓋番個印仔比佢.

之後再問番家希, 佢就不停話唔想跳舞,想跳舞 !!

算吧喇~~ 睇黎我都要放棄 !