【夜闖迪士尼】

咁耐以來, 家希正式第一次係迪士尼睇煙花都係歲半既事.

跟住次次黎親都捱唔到煙花時間就要撇.

Plan 好Happy Firday去睇煙花, 點知成個禮拜時晴時雨, 好Down 囉.

話明係 Happy Firday, 收工終於停雨, 湊埋家希拿拿林夜闖迪士尼.

第一次入黎怪獸大學, 成7點幾, 仲有人排隊, 好彩唔駛10分鐘就入得.



影完相, 唸住去拎証, 條人龍長到嚇屎人.
無謂晒時間, 我地直闖去玩先.

第一 Round 去巴斯, 再去咖啡杯, 完全唔駛排隊呀, 正 !!
最後玩埋降落傘, 第一次睇住個夜景黎玩, 梗加High 爆 !!

玩完啱啱到9點放煙花.

放煙花前至去拎証, 完全唔駛排隊囉.
40蚊既學生証, 朋友有張白金咭, 折左只係36蚊咋.
呢D 影相機, 又點會影得靚呀, 至在有張証啫.


我地無去霸位, 只係求其係大街搵個位黎睇.
家希睇到眼都唔眨 !


15分鐘炸完個城堡, 跟住人潮走. 至發現, 原來今日都幾多人喎!!!