【蛇年の初三赤口】

初三赤口, 今日已經Plan 好要去市廣埸換禮物.
又係即興相約老朋友聚一聚.

食完嘢, 去左冒險樂園.
之前IPHONE Apps 贏左好多代幣. 一於比佢地顛番下



黎得呢度, 碌Ling又係指定動作, 阿仔你悶唔悶架 ?

  

市廣場係老夫子做佈置,尊登同家希著埋套中國衫去影, 襯到絕.

之後帶左佢地去單車場放電, 枳熹第一次黎單車場踩單車, 家希又係一知道去踩單, 開心到不得了.
去過幾個單車場, 都係覺得我地呢個場最好, 最安全, 起碼無個D大斜坡, 又唔會多人沖黎沖去.

平時一粒鐘都唔駛就踩夠, 今次居然真係踩足一個鐘.
之後過左去隔離既公園再玩過.

 

初一收到冰e個份禮物, 原來其中一架車係唔Work, 但又無正本Receipt, 膽粗粗試下用冰e Whatapps 比我既Receipt 去換.

都話係大公司買玩具有保障, 唔啱玩又或都有壞都可以去換.

其實個份車都幾鐘意, 不過真係大份得濟, 加上家希未正式識玩. 砌路軌同執都搵著我地黎搞.
最後換左同樣價既Snooker.

呢份係Mama 我一早睇中左, 想買好耐.

返到屋企, 家希急不及待要拆黎玩.


有枳熹作伴, 不過佢地揸Q仲未識揸, 要好好學習吓至得.
新屎坑, 真係玩足半個鐘都未停過.


呢副Snooker都幾逼真, 有埋掃同石比我地掃下張枱同磨下支Q. 睇見家希都有板有眼喎~