【蛇年の初一】

大年初一, 老公如常踩通頂7點幾返.
今年佢生意唔錯, 成晚做埋左6單, 同佢拍檔每人對分9佰蚊.
加埋早兩日派盤菜, 未過年都有千八蚊袋.


我地倆母子都瞓到10點半至起身. 梳洗過後, 準備要出門去婆婆度.
記得舊年家希仲未識講嘢.

今年已經好叻仔, 識得講恭喜發財, 身體健康, 新年快樂.
一早醒佢兩封大利是先.

呢件新年衫, 因為舊年朋友送左件Mides 比家希, 所以呢件都無機會著過, 今年唔再著, 出年無機會喇.

原本打算我地倆母子自己出婆婆到先. 老公再瞓多陣喎.
不過我地me me 摩摩後, 老公都瞓醒, 一齊揸車出去.
好彩自己揸車, 大年初一, 出九龍方面塞都爆. 車場泊位都要泊到最高個層.

坐左大半日, 係時候要返屯門.

去左家希太嫲屋企先. 坐左成粒鐘就到冰e 黎我地度.

仲補送生日禮物添.

一拆開, 基本上係霸晒我地成個廳囉.
雖然好吸引, 不過呢副玩具標明6+, 所以暫時黎講, 砌路軌呢個動作非我地莫屬.
玩唔夠5分鐘, 呢條友就放棄.