愉景灣呢個地方, 我成日將佢同栢麗灣撈亂.
但佢同栢麗灣有一個相似既地方係, 唔准外界既車進入. 除左攞准許証.
呢度係我所見,唯一一個無強國人進駐既地方. 真係好舒服 !!
欣澳站, 一直都以為佢只係轉乘去迪士尼. 原來去愉景灣都係响呢度轉愉景巴士.
行過入閘口, 叫家希埋去度下幾高, 相差8個月, 原來高左咁多.
好彩去到轉車站, 唔駛5分鐘就有車, 老公話呢度Miss 左班車要等4個字架.
由於我地要去北廣場. 所以入到去第一站就要落車, 再沿住側路經過呢個隧道行5分鐘就到.
勁多鬼仔坐住個滑板, 用呢個方法Sir落去, 咁又真係快好多喎~
去到北廣場, 第一時間行吓間惠康, 之前上網睇過, 知道呢度既手推車係有架車仔係前面.
家希見到真係開心死.
呢間唔係一般既惠康, 真係好大, 咩都有得買. 連d 收銀員阿姐都係講英文.反而唔識聽中文喎. 咁搞笑!!
佢唔止有大架手推車, 連細路仔都有埋. 好似我地IKEA.
係時候去衣肚. 呢度全都係鬼佬餐廳. 連Menu 都係英文, 好彩老公識睇又識講. 我就安安樂樂係度等食.
是旦揀左間食Pizza 又有西餐既餐廳.
兒童餐, 60蚊Set, 另外再Order 左個意粉, 100蚊. 叫多杯汽水, 呢餐就成2舊水喇 !
黎呢度主要原因係佢既嘉年華, 每月第4個週未至有架.
消費50蚊就可以換一張遊戲卷, 我地啱啱可以換到4張.
每個遊戲限時5分鐘.
最正係呢度真係無強國人, 好似去左外國咁.
其實d 鬼仔都幾顛下.
呢個飛彈奬門人. 只需著住呢件有魔術貼既衫, 再抱佢上去, 就會黏左係上面.
真係好搞笑. 家希就笑到騎騎聲.
咁多個遊戲中, 家希最鐘意玩呢個, 有得掟波嘛. 係彈彈床上走黎走去, 又跌下又爬起身, 真係好搞笑.
最欣賞佢d Staff 既安排, 每次只限3個小朋友上去玩, 咁我呢個緊張大師就放心比家希自己上去玩.
仲有個超大既吹氣迷宮.
唔止嘉年華咁好玩, 淨係响度嘆吓個View 都好正.
D 屋好有歐陸Feel.
地方又乾淨, 空氣又清新
成個愉景灣見得最多就係呢度Golf 車, 周圍都有佢既泊車處
行完北廣場, 我地返番去市中心個邊.呢度有個碼頭可以搭船出中環.
老公帶左我地去遊艇會個邊行吓.
跟住再返去沙灘個邊.
周圍都有好靚既擺設.
有咁大既沙灘,家希勁o益住要去舀沙. 好彩有間日本城, 嗱嗱林買番d 工具比家希玩.
最特別, 呢度有個Sir滑梯建响沙灘去.仲記得舊年夏天, 家希對腳一掂到沙就鬼殺咁嘈,
相隔左半年幾, 又大過仔喇! 唔再似之前咁呱呱嘈.
真係好鐘意呢度, d外國人好有禮拜.
呢個Sir 滑梯, 如果沖用勁得濟, 會跌落d 沙度.
家希又幾醒下, 識得就力, 去到最後仲會煞制.
仲有呢個, 家希再一次証明比我睇.
佢長大了. 以前佢一定唔夠膽玩.
而家係佢主動要去玩, 仲識得自己一步一步咁行. 睇見佢咁, 我都好欣慰.
另外仲有幾個千秋.
玩到太陽都落山喇! 傻仔最終搭車頂唔順了......
沒有留言:
發佈留言