【摘士多啤梨 の熱潮】

新年實在太多節目, 玩到心都創晒, 原本想今日好好留係屋企休息.

點知老公又撩起帶我地去新場摘士多啤梨.

由於初四去錦田個度摘得唔盡興囉.所以決定去一趟.

鶴藪, 流水響個頭, 呢個地方都成8年幾無黎架.

老公個朋友係住呢度, 真係一望無際既草地, 仲有牛添.

原來呢度有個士多啤梨園. 仲註明有機.

普通就50蚊磅, 日本種就150磅.

真係好想諗吓日本種係咩味道.

放係家希手度, 真係粒粒都好大粒, 又鮮紅.

由於成150蚊磅, 所以只係摘左幾粒就比錢, 轉去摘番普通個D.

 

再由家希抽刀.
不過摘左幾粒, 傻仔就話唔摘.

由於呢度係有機, 所以隔中會嗅到D 臭臭味.
家希仲話好臭呀. 好似有屎味咁既.
 

呢堆由Mama 落場摘, 哇! 雖然無日本種咁大粒, 但都好靚.
 

普通個隻摘左2磅, 日本種個隻只係摘左8粒咋, 都要60蚊, 真係好貴.
 

呢度沿路入黎, 地下都有指示比你去個園度.
 

 

最後我地既收成
 

呢個係日本種.

返到婆婆屋企.急不及待要洗黎食.又係比家希K.o 左我成一大半.