【蛇年前夕之年廿八廿九】

年廿八, 拎左半日假, 等婆婆有足夠時間趁初一前最後辦年貨.
晏晝陪左婆婆去觀塘街市, 嘩!!  人多到爆, 迫都迫唔入咁濟.

夜晚, 等埋細佬倆公婆, 加埋我地一家齊晒人係屋企樓下食團年飯.
舊屋村, 真係好多候生既人返黎同老人家一齊食飯. 所以未夠7點半, 已滿座.

因為婆婆最近個次覆診, 糖屎指數超晒標, 唔可以再好似以為咁, 食唔落都硬食晒, 食埋食埋, D 指數咪超鬼晒囉.
5大1細, Order 左6個餸, 啱啱好. 無多無少.



年廿九, 輪到我自己屋企最後一激, 老公收工仲有下場要去步花市送盤菜, 唯有我自己一個人辛苦d 整日來來回回屋企同街市成3個 Round, 帶住家希時間用多左一倍.

呢揪碌柚葉成15蚊, 真係幾貴吓, 不過都隔離檔個d 5蚊扎又真係唔同d, 係靚d 既.



2隻吉仔3蚊雞.



再同門外既土地裝身. 換然一新.

搞掂晒屋企嘢, 同家希洗邋遢.


夜晚老公返黎食晚飯後, 我地去行一轉年宵.
家希梗開心, 好多氣球.
見20蚊, 買左隻企鵝, 棉花糖10蚊支.


  

行完年宵, 老公休息左陣又出去,踩通頂後至返.
我地倆母子再食埋甜品, 龍so 糖 !! 未食過既家希, 每次試新嘢, 塊臉總會那埋一舊.
食落好味就唔停口.