一向入迪士尼都揸車, 今次係第二次搭迪士尼列車, 梗係要係車站度影番D 相.
一踏入迪士尼區域, 家希已經好興奮.
估唔到今日真係好熱好曬.
每次必定例排响度留倩影.
原來入口處有幾個水機.
家希老遠見到, 已經一支箭咁沖埋去.
今日係迪士尼第一日開始轉新年裝, 仲係一Pair Pair 咁出黎影
呢個場面, 基本上每個小朋友都會遇上. 真係好搞笑
影左陣, 已經出晒汗, 要入商店抖吓嘆冷氣.
巡遊時間, 我地走左去周圍影相, 無意間黎左呢度.
家希一見到有水玩, 梗係開心到唔願走.
之後騎左轉木馬, 初初都驚緊自己一個人帶住又要影相, 驚家希會周身郁.
點知只係叫記緊揸實扶手. 佢就好Enjoy係咁騎喇.
再會合朋友仔去左小小世界坐船, 至上次坐過後, 家希念念不忘.
食完午飯, 向灰熊山谷進發.
呢個火山口, 原本好地地, 但無拿拿會噴水, 仲要無定向, 睇吓~ 家希要走鬼喇 !!
呢度除左過山車, 最受歡迎就係玩水區, 呢個家希雙眼發晒光.
想得我批准佢去玩, 拿拿林擺個舖屎比我影相.
不過Mama 我無準備衫, 梗係唔想佢埋去玩.
我見到d 小朋友真係比水淋到成頭成身濕晒, 完全似沖涼咁囉.
玩左陣, 又要去下一個景點.
經過有爆谷賣既地方, 家希o益住想食.
32蚊, Mama 我就覺得ok, 戲院都成廿幾蚊喇!!
返去反斗奇兵, 原本想玩降落傘. 不過條人龍長到要排成粒鐘. 都係放棄.
之前呢個位圍晒板, 原來呢度會開間Shop.
記得呢個景, 家希歲半時影過.
太陽開始下山, 原本熱到死, 一無左個太陽就開始有D涼.
城堡都開始著燈.
玩左成日, Mama 我真係人都散晒, 家希仲好有精力.
好彩有朋友相助, 減輕Mama 我不少辛苦.
之後約番Papa 係青衣城等, 就返屋企衣肚喇
沒有留言:
發佈留言