【蛇年の初四】

今日天氣最Fit, 又唔凍唔算熱, 又朗氣清, 郊遊就最好不過.

連續喪玩左幾日, 今日係最後一日假期.
姑奶去左旅行, 約左姑仔去摘士多啤梨.

從未見過咁多人. 連揸車入黎都係排住隊, 真係好厲害.

唸住入到黎食少少嘢, 阿姐話無時間煮麵喎, 叫我地買杯麵, 魚蛋腸仔售罄了. 連燒嘢食開爐都要排隊.

睇黎真係好多人留港消費咁喎.

連摘完D士多啤梨去比錢都排到去個園度.

眼見人地摘個D 大大粒, 但自己落去搵又搵唔到既.細心搵下雖然無大粒, 細粒都靚又紅.
由於太多人, 其實摘得唔多暢快, Papa 提議下次去第二度摘.


摘完都未比錢, 家希係咁嘈住要去撓魚, 好彩有表姊相伴, 家希零舍開心. 成鬼日都拖住表姊.
20蚊有7個撓, 紙黎咋. 以家希撓兩撓都穿啦.

咪話佢蠢, 一見穿左就即拎過第二支.

好比心機咁撓. 成功比佢撓到上黎, 不過係死魚一條.

撓完啱啱好D士多啤梨洗乾淨可以食.確實自己摘個D 係甜好多.
可惜有成一大半都落晒家希個肚度.  

 

之後去大草地玩Bubble
 

黎得呢度, 家希至愛仲有電動車.新年期間, 即加晒價.


 

 

玩完又可以去餵,家希個咀想點 ? 氹得羊羊食菜菜.  

見羊羊唔食, 就話羊羊飽飽喇.
 

行過少少有個魚池. 餵餵下, 家希仲話留番比自己食. 真係比佢激屎.


係另一邊原來都有小食店.終於有魚蛋食喇. 係唔好食, 不過肚餓, 無法子啦.


仲有單車租, 不過人太多, 又無人企响度收錢, 所以我地自己拎左黎踩左陣.


玩到5點幾6點. 太陽都落山, 我地又係時候排隊塞番車出去.