【學校 の┢┦omeWork】

返左十幾日學, 係中秋節前開始有功課要做.


K1既功課來來去去都係填下色, 畫下線.

之前班主任都同我地講過, 功課全部都用粗身顏色筆做, 暫時唔用鉛筆.

本身屋企有一盒36支幼身蠟筆+16支三角型蠟筆.


唔知點解三角型個隻, 家希話好難油喎,  反而幼身個支就易油好多, 同埋d 色又多, 不過相對隻手仔會攰d.

最後, 再買多盒學校用開既粗身蠟筆.


筆身真係好粗吓,  對佢地執筆就易d,  油既時候都唔駛太用力.  可惜得12隻色, 美中不足.


一個禮拜會派2次做┢┦omeWork.
呢份係第2次做既家課.


平時無功課做, 我隔中都拎本填色簿比家希油下. 練習下.
初初做, 真係鬧到喉破聲沙.

所以而家見佢油都油得小心, 仲一路油一路講 「慢慢油, 比心機油」.


配色方面, 確實係我引導佢去揀, 朋友話我限制左佢創意發揮.
所以, 接住第二日油既畫, 我無加任何意見.


每日係學校都有練習做,  今日就無拿拿係書包發現左佢本練習簿.
乜佢係學校油色油成咁.


而呢幅係啱啱係屋企做, 點解同學校做既有咁大分別既?


接住仲有本EVI, 即係通識, 一個月交一次.
要 Login 係電腦度睇故事.

一個禮拜會有一個新故事, 成個學期會有35個故事, 做晒仲會有張獎狀.