【親親大自然の旅】

今日好有感覺以為夏天來了……真係熱屎人 !

待家希瞓完晏瞓, 我地又向郊外出發 !!!!

姑奶姑仔即慶話要BBQ, 計起上黎, 我都好耐無燒過嘢食.

估唔到呢度, 變左咁多. 仲有好多親子團, 搞到個車場都爆晒 !!

呢度勝在唔駛入場費, 想燒嘢食就買套餐, 唔燒淨係入黎行吓都無問題. 因為實在太多嘢玩啦.

但我地幾家人, 一家大細, 麻甩佬好悶既, 咁佢地梗係坐定定燒嘢食. 小朋友咪齊嘩嘩去喪玩...

其實BBQ 對家希黎講無乜嘢啱食, 所以黎之前打定底. 黎呢度主要係玩. 都未坐定, 又對住個咁大既爐, 已經熱到呆晒. 

【家希與仔仔】

其實由細到大, Mama 我都好鐘動物.

今日安排左仔仔黎同家希相聚, 咁多隻貓, 仔仔係最乖最定, 唔兇唔爪人. 全因佢細膽.

家希一見到貓貓, 仲拎自己D玩具比貓貓一齊玩. 

 

【日式放題@ TM】

其實想食放題好耐, 一來老公細食, 二來又唔食生嘢, 不過同朋友又未夾埋時間, 帶住細路又食得唔自在.

最後都lur 左老公陪我去食. 埋單3佰7十幾.

呢間放題唔一定要食放題, Order 都可以. 所以佢d座位唔會迫.

坐得輕鬆d, 食都食得開心.

我目標係食刺生, 可惜呢度無凡立貝囉.連北寄貝都無, 唯有主攻三文魚同甜蝦, 不過個部長好人屎, 照比少少北寄貝同赤貝我地.

【婆婆生辰快樂’2012】

婆婆生日, 又係舅父仔出品既 3D 蛋糕. 



我地一家同埋舅父佢地倆公婆同婆婆去打邊爐.呢度婆婆話抵食喎 ! 

【吹泡泡の樂趣】

Bubble 應該係大多小朋友都鐘意玩. 乜呢個年齡既小朋友唔係鐘意追泡泡架咩 ?

但家希就另類D. 唔追泡泡, 反而梗要搶住黎渣住, 乜咁樣會好玩D咩 ?

原本有支Bubble 熗, 又方便又多泡. 睇過報導, 吹泡泡可以訓練佢地手眼協調, 決定收起支熗, 比多D機會佢自己吹吓.

早排買左支大Bubble, 廿蚊都唔駛, 係婆婆屋企走廊狂訓練.

 

【2歲健康院】

由於歲半語言方面唔合格，2歲要返去做評估。

本應係上個月返，撞啱落雨+寒冷天氣，唯有改期。

耐左無去健康院，去到大部分都係bb,家希升左level，變左哥哥了。

2歲評估只見姑娘，無磅重度高。
起初mama我仲擔心，見網上好多mama話要講句子，咁樣實fail 啦！
不過呢度既姑娘真係我去過3間健康院中，最好一間，又細心又有耐性。

家希各方面都無乜大問題，記得歲半個陣，仲話家希既情緒問題難搞， 呢半年明顯係長大左，可能佢明白我地up乜同埋佢表達到。少喊左，扭計程度都可接受。

好多單字佢都講到，但2歲基本要求要有組詞。 例如：食包包，去街街

撞啱家希早排開始講：坐車車，吹泡泡，開燈燈，隔唔中執吓我地口水尾。
接住姑娘拎本書仔出黎考吓家希對物件認識，姑娘問家希指，都中左8-9成！

今次評估合格，下次再返去已經係4歲喇

【情人節 2012 】

舊年情人節請左假返大陸搞新屋裝修嘢.

今年無咩特別, 但老公就忙到不得了, 由13號就煩到14號.

因為佢老細接左Order, 佢要幫手去送花喎...

佢仲話真係咩人都有, 1支花都會搵人送, 甚至幾條三角朱古力扎埋一舊都當係花送. 真搞笑 !

一向我地都無咩點慶祝, 情人節擺明比人 "湯" 啦.

屋企樓下有間放題, 不過情人節升番做原價再加一, 2 個人成4舊幾水, 加上我地細食, 唔抵食.

所以我地轉為 Order. 最後3舊水就飽飽咁走人.