【婆婆生辰快樂’2012】

婆婆生日, 又係舅父仔出品既 3D 蛋糕. 



我地一家同埋舅父佢地倆公婆同婆婆去打邊爐.呢度婆婆話抵食喎 ! 

【吹泡泡の樂趣】

Bubble 應該係大多小朋友都鐘意玩. 乜呢個年齡既小朋友唔係鐘意追泡泡架咩 ?

但家希就另類D. 唔追泡泡, 反而梗要搶住黎渣住, 乜咁樣會好玩D咩 ?

原本有支Bubble 熗, 又方便又多泡. 睇過報導, 吹泡泡可以訓練佢地手眼協調, 決定收起支熗, 比多D機會佢自己吹吓.

早排買左支大Bubble, 廿蚊都唔駛, 係婆婆屋企走廊狂訓練.

 

【2歲健康院】

由於歲半語言方面唔合格，2歲要返去做評估。

本應係上個月返，撞啱落雨+寒冷天氣，唯有改期。

耐左無去健康院，去到大部分都係bb,家希升左level，變左哥哥了。

2歲評估只見姑娘，無磅重度高。
起初mama我仲擔心，見網上好多mama話要講句子，咁樣實fail 啦！
不過呢度既姑娘真係我去過3間健康院中，最好一間，又細心又有耐性。

家希各方面都無乜大問題，記得歲半個陣，仲話家希既情緒問題難搞， 呢半年明顯係長大左，可能佢明白我地up乜同埋佢表達到。少喊左，扭計程度都可接受。

好多單字佢都講到，但2歲基本要求要有組詞。 例如：食包包，去街街

撞啱家希早排開始講：坐車車，吹泡泡，開燈燈，隔唔中執吓我地口水尾。
接住姑娘拎本書仔出黎考吓家希對物件認識，姑娘問家希指，都中左8-9成！

今次評估合格，下次再返去已經係4歲喇

【情人節 2012 】

舊年情人節請左假返大陸搞新屋裝修嘢.

今年無咩特別, 但老公就忙到不得了, 由13號就煩到14號.

因為佢老細接左Order, 佢要幫手去送花喎...

佢仲話真係咩人都有, 1支花都會搵人送, 甚至幾條三角朱古力扎埋一舊都當係花送. 真搞笑 !

一向我地都無咩點慶祝, 情人節擺明比人 "湯" 啦.

屋企樓下有間放題, 不過情人節升番做原價再加一, 2 個人成4舊幾水, 加上我地細食, 唔抵食.

所以我地轉為 Order. 最後3舊水就飽飽咁走人.

【拆利是 2012】

過左個正月十五已經可以拆利是.

家希笑騎騎影番張相留念.

【安全意識】

又再一次忟忟地.

奈何屋企人湊總比外人湊係好好多, 照顧係周到. 唔怕無飽飯食.

都唔明點解, 為左唔想個細路大吵大鬧呱呱叫, 就順佢意, 由得佢做.

乜唔係個大人主導細路架咩, 反而係調返轉.

每日婆婆都會插香燭, 家希嘈住要渣住自己插, 咁細個o靚仔又點會識插呀, 又話佢大吵大鬧, 嘈到成條走廊都聽到.

那又如何呢 ? 唔通佢嘈住要攞刀囉, 你就比呀 ?

【龍年の團拜】

一連2日團拜, 真係攰透了 ! 而家要時光倒流番………

尋日, 禮拜日, 今日3個Family 團拜, 計埋工人9大5細, 成十幾人困埋係屋企, 好彩朋友仔屋企大咋.

之前約好晒, 要同佢地5個小朋友一齊同一款既中國衫黎影合照. Wowww…要5個小朋友齊齊乖乖坐埋一齊係極之難事.