【Father Day' 2013】

話咁快又到父親節, 對家希黎講, 根本唔知咩叫父親節, 可能等佢入學後.

出年就會梗係明白. 

呢個作品係早兩個禮拜, 畫班既小工藝作品「我的爸爸」.

家希仲話Papa 有帶黑超 (其實係每當揸車時, 太陽太猛, 老公至帶超啫)
所以 Miss Chen 教佢用泥膠整個黑超黏係對眼度喎.

【久別聚會】

紫婷屋企早排發生左D 事, 自2月團拜過後, 直至而家都成4個幾月未見過面.

麻煩事終於 Settled 了.

我地又可以再次黎個簡單聚會.

未夠鐘, 難得愉景咁早無乜人, 周圍影下相都好喎.
就黎3歲半既家希,  而家出親街, 唔係要拎一, 二件玩具, 就係要帶埋自己隻私家錶. 

【天象廳+喪玩冒險樂園の端午節】

原本今日打算又去舀沙, 知道霖霖表姊就黎放監 (考試中), 都係等埋至去沙灘玩.

改而去天象廳睇珊瑚礁.

大鄉里既我都係第一次睇咋 ! 老公預早買定飛, 否則想即場買到都幾難.

3歲以下不招待, 應該係怕會騷擾到其它人.

家希同二表姊都係買兒童飛, 16蚊 !

【美の味】

今早排睇到某 Blogger, 見佢為仔仔準備愛心美食, 件件都好吸引.

老實講, 我本身係無飯主婦, 清潔打婦我就叻, 煮嘢真係唔多掂.

N 年前都貪得意學人整 Cheece Cake,  唔駛焗個隻, 因為屋企無焗爐, 只係凍餅.

其實都幾易吓 !!

夏天將至, 又心郁郁貪得意整下D 小食比家希. 好鬼鐘意見到佢食嘢個樣. 總係多多表情, 古靈精怪咁.

尊登買左堆倒模.

哎呀 ! 呢個失敗之作, 其實呢個本身係想整到個米奇公仔個樣架. 不過失敗左.

【唔識教】

近呢幾個月黎, 鬧仔既次數越黎越頻密.

自己都好討厭自己.

家希返黎渡假, 基本上無一日可以唔鬧仔.

每到湊仔日, 我都警惕自己, 唔再勞力, 深呼吸, 平心靜氣. 不過次次都失敗.

點解次次都要搞到唔開心收場先肯停. 有陣時仲忍唔住出手.

我都知唔好. 無奈真係好激氣, 好難教. 好聲好氣, 總係左耳入, 右耳出咁.

【蛇年初次下水禮 】

咁多個週未黎講, 今日極好天. 太陽猛到可以拎D 棉被去曬囉. 當然我無咁做到.

上晝去左搞註冊, 下晝就趕入天水圍Join 姑仔佢地食過晏先. 跟住Hea 到會所泳池下半場Opening.

繼上個月沙灘樂後, 今次係首次下水禮.

原本想去嬉水池, 不過老公話咁好天, 公家泳池實爆多人. 改為去姑奶會所會舒服D

呢個選擇確係無錯. 會所泳池真係無咁多人. 又有暖水池. 仲要幾棟樓圍住, 唔駛驚曬黑.

我地仲帶埋水槍, 當係無乜人既情況下至玩, 癈時錯手射親人就唔好啦.
 

【Sharonの註冊日】

今日原來係小1放榜, 而家希間幼稚園咁啱今日搞註冊.

早一個禮拜, 己經收到學校既通告, 上學期既書簿費+茶點, $1511, 要自已入錢去佢地指定既銀行.

拎番D 收據回條, 今日返學校註冊之餘, 仲要拎校服.

 記得Mama 我果個年代, 呢間學校係分校服同運動服. 2 年前轉晒一套運動服走天涯. 都幾方便呀 !

睇見家希著左校服個樣, 感覺佢大過仔. 唔再係BB 喇!!

可能呢排家希高左, 個書都唔係大好多啫.