【6th Wedding ♥ Anniversary】

話咁快就結婚6週年, 例排無特別慶祝, 只係簡簡單單一家三口周圍行街影下相, 再去大家樂打下邊爐, 估唔到一個煱再額外叫多個麵, 已經食到飽飽..

【K1 親子旅行 2013】

一年一度親子旅行, 終於到喇 !

地點係沙頭角, 真係正~

橫掂未去過. 仲上網Seach定d 資料, 睇下有咩玩.

點知同我相象真係差得遠.

一大早, 9點幾係學校課室集合, 真正見到家希成日口中個幾位小朋友.

全校加埋出席人數只係4部車, 唔知算多唔多人呢. 4部車, 共有4個領隊. 原來親子旅行咁似參加一日遊咁既.

坐左成個鐘既車程, 終於到沙頭角.

我地成車人跟住領隊沿住條村一直向上行, 仲搵個地方照番張合照先.

【1Day Camp@保良局渡假村】

秋風起, 又開始郊遊.
Papa 提議入Camp. 保良局有兩個渡假村, 唸住近近去大棠果個, 點知個邊有人包場, 唯有轉去西貢一趟.
大小同價, 41蚊可以玩足1日既日營.
 

【Mami B-Day 2013】

轉眼間, 又到11月份, 人大左, 真係唔多想有咁多應酬.
每朝6點半鬧鐘響就係我辛勞既一日開始, 忙完8粒鐘, 收工仲要趕住返去接仔, 一入屋, 又開始不停忙,
最後10點半, 總算可以停一來.
 
老友記既飯聚, 繼02年試過Weekend慶祝後, 今年因為湊住個仔, 又要就我係Weekend慶祝.
第一次黎呢間伊呂波,個爐唔會黐底.
 

【海運 の X'mAS燈飾巡遊】

計起上黎, 今年食親Buffet 都食唔到生蠔, 真係意猶未盡.

所以今年生日, 無論如何, 點都要食Buffet.

【自家湯水】

而家我地既生活都好規律, 一至五都係煮飯食, 無非都係唔想家希食咁多街外嘢.

其實淨食住家飯都唔多夠, 早排Mama 我o的起心肝學人煲湯. 估唔到煲湯原來真係好易咋.

一早去街住買豬骨, 加紅羅白粟米, 密棗南北杏.

開一大煲水, 掟晒所有材料, 咁就搞掂.

雖然未算好夠火氣既老火湯, 但第一煲, 已經成功, 真係好滿足.

【畫班】

計起上黎, 家希轉左呢間畫班都有5個月喇,  由最初唸住比佢學下學前獨自上堂, 變成而家係一個習慣.
原本係9月開學後唸住取消呢個班.
 
皆因個個星期日,晨早起身, 確係好辛苦.  仲要最遲10點要出門, 趕去食個早餐就上堂, 時間真係好忟水又攰.
 
之後又試下真係唔報, 睇下 家希有無怨言.
點知個傻仔真係記得畫班個 Miss Chen, 仲問我點解無去畫畫既. 
 
無法啦, 唯有報番. 原來仲有一班係晏一個鐘, 咁就 Fit晒, 唔駛趕頭趕命咁辛苦.
 
呢 5 個月黎既畫作.