【Mama の火車玩具】

Mama 我又有新玩具, 原本無打算買, 不過見個個同事都落 Order, 搞到自己都心思思, 驚唔落到時會後悔, 因為無乜機會可以買到. 暫時唔打算拆開黎砌, 作收藏之用   

Link : http://www.youtube.com/watch?v=kjNK2d9mMgk&feature=related   

 

【我的化妝品】

每日出得屋企對門, Mama 必定要化妝, 慣左, 無計啦.

上月又入左D新貨, 一向都用開BOBBI BROWN 既化妝品, 而家連洗臉, 護膚品都轉埋. 用左半個月, 又幾OKAY.

程序確實多左, 潔臉後用過爽膚水, 又要搽Base + Cream, 之後再上埋50度防曬, 係有PA+++.

呢Part 足足比以前用多左5分鐘.

不過確實跟足個程序上妝, 係貼好多.

【補堂 @ Starting Blocks】

由於之前家希請過Sick leave, 所以完左10堂就要加多堂補堂.

姑娘見家希一開波有少少忟忟地, 所以捉左佢出去做導師.

個衰仔梗開心, 佢呢個表情咁肉緊係因為要比個樂器 Papa.

【期待已久 の 船】

等左 7 年, 今日終於得手.


已經停售左幾年, 遲遲都無收到公司 Notice 可以訂購. 因為係非賣品, 只係員工先可以落單, 仲要由老遠丹麥運過黎香港.

之前仲係網度見到有人拎黎炒到成千幾2千, 我地買, 梗係唔駛呢個價, 千幾2千可以買到3-4隻 Lu.

【Lesson 1-10 @ Starting Blocks の 第1 Cycle】

【Lesson 1 】
一連10堂幼潛由今日開始就開課啦!

經過之前既經驗, 無論如何都要係上堂前預番D時間比家希 Warm Up 吓先.

仲見 Blog 友豬仔添. 大家仲係同班同學添.2個小朋友玩到唔捨得入課室添.

【歲半針@健康院】

隔左半年,  又到歲半返健康院打針, 打埋呢支要等到小一至有針打.

今次由悲慘城市轉去屋企附近既健康院.

反而唔會唔多新移民, 估唔到呢度D姑娘好好人, 相比
悲慘城市個邊, 呢度簡直叫做有Service 囉.

歲半家希有9.6 KG, 得21磅, 唔算肥仔.

今日去到見到D 小朋友應該係同家希差不多, 個個都識行識走.
小朋友就最鐘意望小朋友, 家希唔例外, 仲人地跳學人跳, 但又唔識跳,笑死人.

磅完重等叫名見姑娘.

【情緒病】

我相信家希成個禮拜,最期待就係黎 Mama Papa 屋企渡假. 

梗係啦, 又多玩具, 又有我地陪佢玩. 又可以去街街, 係小朋友都鐘意啦.
 

基本上每日, 無時無刻, 家希都會好似呢張相咁, 發脾氣囉.

D 臭脾氣真係要諗諗點治佢.

一唔高興唔滿意就掟嘢大喊. 其實佢之前只不過係度玩緊通粉, 無拿拿企起身發瀾乍.