【2012年大事回顧】

去到年尾, 總係想回顧番呢一年.

1月份係我呢個寶貝仔2歲生日, 亦係第一次幫佢係麥噹噹搞生日會.

【樂富 の 燈飾巡遊】

今日凍左好多, 最好就匿埋係屋企開埋暖爐就最正.

抖到晏晝約埋婆婆影吓相.

樂富有個天神村, 想去好耐

估唔到人多到嚇屎人, 每次出平台都限住人數, 排隊人數, 最少估計都係成百幾人.

我地都唔想晒時間去排, 唯有淨係影室內個D啦.

好多屎屎大舊, 家希一見到, 仲不停話屎屎大舊.

【第六回 の 探B記】

今日又係安排節目好充實.

上晝畫畫, 食過晏就入東涌探BB, 夜晚出番市區同朋友飯局.

原本揸車入東涌, 時間好就得多, 點知臨出發時, 架車水滾, 要拎去車房搞一搞.

無法子啦, 唯有坐地鐵, 好彩有拎BB車, 如果唔係我地倆公婆應該會斷肶.

一到東涌, 哇!! 人山人海, 因乜解究人多到推住一喼二喼. 仲以為出錯閘添.

好朋友舊年結婚, 唔駛1年就造人成功.

龍年真係多人生B 同結婚.

家希見到BB, 成日都話BB好乖, BB 瞓覺.
 

【扑星Day‧拆禮物】

連續玩左2晚, 今日扑星Day, 要留係屋企抖吓.

倒塔咁早起身, 家希第一時間要摷番尋晚交換番黎既禮物黎玩.

一個人靜英英係度砌, 手指肌肉都好成熟, 一D 都難唔到佢.

【聖誕夜‧搞扒地】

原本計劃去BBQ, 不過時間問題, 最後改在係姑奶屋企搞Party.

家希好耐都無見過表姊佢地, 所以不知幾鬼開心.

老公提議每人買份100蚊既禮物, 比小朋友去抽.

【平安夜‧邊爐夜】

又到聖誕喇~ 24號平安夜返半日, 晏晝收工趁有少少時間, 去睇吓小禮物.
準備夜晚打邊爐.

打邊爐都係其次, 其實至在想比小朋友佢地玩吓, 而我地大人又可以傾吓計啫.

【港島 の 燈飾巡遊】

而家唔駛返Playgroup, 時間多得是.
上晝畫完畫, 晏晝計劃好, 要過海, 首先去阿貓地灘食個晏, 睇睇貓.