家希上個禮品啱啱至睇完醫生, 1 個禮拜後又再次幫襯.
上回流鼻水, 其實食左2日藥, 明顯控制到, 所以停左藥無繼續, 諗住等家希自己用番佢既低抗力去打.不過都而家d 鼻水隔唔中都流緊.
點知今朝, 無拿拿瞓瞓吓坐响身~ 嘔 ! 好彩都係少少, Mama 我隻手接得晒.
2個鐘後, 一隊支奶奶比家希飲左1啖, 就即係嘔到成身成床都係....基本上成支奶都晒左.
拿拿林Book醫生. 成朝至晏晝,家希好似都無正式食過嘢. 成日都擰頭唔食, 又成日拉起件衫指住個肚仔...
食過藥後,開始肚屙...仲要短短個半日, 屙左3-4次..係水狀, 真係擔心屎我.
拿拿林趁診所未閂門打去問吓. 醫生再開埋止屙及止搞肚痛藥水. 另外我要求想要埋d 澱解粉. 真係好驚家希屙到脫水.
見到咁多支藥水,心都痛埋
真係氣死 !! 可以點宣洩 ?
每日基本上都會打比婆婆, 傾吓家希既狀況. 今日傾完真係氣响係個心度囉. 婆婆又再一次"候"家希瞓左覺, 偷偷落街.
之前就落大堂拎信, 雖然時間好短啫, 其實D信係咪咁必要急住拎呢 ?
今朝仲大膽, 去左大廈隔壁個D冬菇亭度買點心. 仲話返到去家希啱啱醒企係門外喎.
老實講, 又點能Sure 佢係咪啱啱醒亦或係婆婆出左門就醒左呢 ?
同佢講, 唔好咁樣, 好危險, 驚有意外, 佢就大大聲聲反問我會有咩事呀. 仲話我細個果陣都係"候"我地瞓左覺至落山拎水喎.
真係谷住道氣.
呢輪工作上唔多 Happy. 覺得自己好似被人孤立左. 自我安慰數百次. 個D只不過係過客.何必介懷. 飯腳個班坐位同我有D距離.笑笑說說只可以Lunch Time 個1個鐘頭. 而大部時間對住D過客. 佢地仲要雞啄唔斷. 真係有陣時覺得好煩嫌.
1個大部時間都封口既我, 返工又點會開心啫.
唔想再向人表露自己心中不快. 因為佢地有大勢力撐腰, 蝕底果個咪又係自己.
每日期待收工個刻, 離開呢個討厭環境. 奈何十幾個鐘後又要再返黎. 唉 !
【Lesson 1 】
繼上次10堂, 今次又黎多個Round.
仍然係我地原班4個小朋友又再加2個試玩生. 齊晒人, 再加埋家長, 所以個課室好似鬼迫咁.
今日家希表現好差, 隔左1個月無上堂啫, 好似生疏左, 有d 驚, 又要夾實Mama.
第一ROUND 要佢地排積本, 真係同我排一排咁囉. 可能佢覺得悶, 無乜興趣. 接住就係貼貼紙, 要訓練佢地手指自己搣, 不過家希唔多鐘意個種黐住既感覺, 成日都要Fing 甩佢. 好勉強先至黐晒d 貼紙.
一早起身, 雖然係天陰陰, 好彩無雨落, 可以去海洋公園, 壽星女有得free再加公司早排送2張飛, 咁我地1家3口+婆婆都唔駛錢.
10點半去到婆婆度, 執拾行裝. Call Van直接去.
對上一次黎呢度, 係公公臨走前1年, 距離而家都有3年喇.
估唔到呢3年間, 成個海洋公園都唔同晒.
未入場, 係外面影吓相, 換吓飛都擾攘左成半個幾鐘. 而家海洋公園幾似迪士尼, 又係成日有人走埋黎同你影相, 目的係想Sales 你買相, 不過我每次都會叫佢用番我部機影多次.
淘寶真係會中毒, 今次由於朋友開到聲, 所以膽粗粗試集運, 搞左成個禮拜,終於完成.
呢個禮拜真係無時無刻追蹤住份件既進度. 話晒第一次集運, 有D緊張.
其實同平時淘嘢係無分, 只不過係個送貨地址改集運個邊, 再等集運收齊晒D貨再由佢集合番所有貨運番黎香港比我.
運費可慳到一半.
呢度2箱嘢, 共8.94KG
EMS 又真係幾快. 個運輸仲好好人幫我搬埋我個位度.
係PlayGroup 度有位姐姐話我知, 我想家希入個間幼稚園有 Open Day. 仲一心諗住去見識見識.點知所謂既Open Day 只不過係佢地幼稚園既咩頒獎典禮同D 灘位遊戲咁囉.
