【新竇暴光】

用左我5日時間, 新屋總算執好八八九九, 不過仲有d林審嘢未執好, 太多櫃, 都唔知放邊樣至啱.

【大屋搬細屋】

尋日搞好晒訂造傢俬個part, 今日朝早8點就到搬屋公司.

年幾前因大住個肚唔方便自己搞, 所以老公姑姐介紹呢間搬屋公司, 年幾後今日又再搵佢地, 搬既嘢少左, 反而貴左, 皆因通賬囉.
 

【新竇裝份過程 - 完整版】

【剷油๑裝修工程】

2011年2月16日
繼前日交左KEY比cf 後.

隔左1日, 一出lift就已經聞到陣陣天拿水味.

入到屋, cf真手快, 牆身已經剷走晒d油, 仲 “敏” 埋d泥係電線到, 盡量幫我藏起電線.

【婆婆生辰快樂’2011】

早廿幾日book 定迪士尼Lunch buffect, 預祝婆婆60大壽, 三百幾蚊, 確實貴左D, 又唔想帶婆婆去樂園個邊, 行得辛苦, 食buffect 係最好不過. o益埋舅父仔, 我地成家就齊人喇 !

【不一樣之情人節๑2011】

一早同老公夾定今年情人節瞞住婆婆北上, 皆因婆婆會覺得我地掛住去wet 唔湊仔. 所以癈事解釋咁多, 就決定扮返工北上.

大大話話成2年無出過境lu, 佗B一年, 湊B一年. 老公最想揼骨, 而我最想睇吓D 窗簾家居材料. 用左幾個禮拜時間re-seach深圳邊度有家居廣場, 臨出發前一晚狂係個深圳地圖睇睇睇, mark 晒地區, 最後鎖定目標.

朝咁早起身, 預番時間出門, 屋企樓下正正村巴直到上水, 由於繁忙時間又唔想同人迫, 我地係上水搵間冰室嘆早餐再滋滋悠悠上去. 最樣衰過香港境, 拎住張回鄉証過e 道, 勁低能 ~~ 仲要比個好心男士見到, 提我用錯咭, 真瘀皮.

【新年快樂賀兔年】

上年既新年仲坐緊月既我, 家希仲未滿月, 又凍又濕既梗係無周圍去.

過左咁多年咁凍既新年, 今年終於暖番少少.

老公一如以住, 年三十晚半夜會出動跑花市, 賺吓外快. 所以成晩淨番我同家希二丁友. 由於mama 我病住過年, 半夜咳到痴肺, 已經唔多好瞓, 仲要家希周身扭,  papa又唔係度, 真係辛苦到要命.

由於年三十晚返左太爺太嫲食過團年飯, 所以整個初一邊度都無去, 靜靜留係屋企抖吓瞓吓. 

今年係第二年派利是比家希, 祝家希新一年健健康康, 快d長多d肉, 肥肥白白. 收到利是真係見牙唔見眼.

【最後一個虎年の晚上】

Mama 我病左成個禮拜仲未斷尾, 由喉嚨痛延變成咳. 真辛苦到極點 !! 但又幾驚野到家希.

好彩呢幾日個天暖番d 咋..

今日年三十, 公司收半Day, 忙左幾日, 終於收爐.

人地習慣年廿八洗邋遢, 而我就鐘意年三十晚用碌柚葉洗白白黎迎接新年.

收工拿拿林去花檔買番擇.

家希都唔例外要洗邋遢.