【煮飯仔】

早排見到blog 友講開煮飯仔, 摷番d玩具, 比家希開始玩吓. 教吓佢點切.

但佢似付對我將d食物放晒係佢個寶貝兜到會開心d.

【向迪士尼出發】

Mama 我放十日大假, 原本打算過大海玩2日1夜, 可惜留意個天文台成個禮拜, 天公不造美, 唯有放棄, 都係遲吓預埋婆婆一齊去, 化算D, 多人住一間房, 抵D丫嘛.

Papa 照攞日假, 見一早起身有太陽無雨, 雖然唔係籃天白雲, 陰陰天咪仲好, 唔想曬到成隻熱狗.
準備好一壺粥2餐奶 (其一餐Back up), 就向迪士尼出發.
搭輕鐵轉機場巴士去到收費亭再轉 R8, 全程9個字. 仲快過返工囉.
家希一見到個水池就沖埋去, 佢好鐘意水, 而Mama 我就可以成機試埋部新相機.

【試堂@ CDPA】

本來今日呢個試堂有少少唔想去, 可能已經 Join 左 Starting Blocks, 如果唔係已比左錢, 應該會放飛機 !

橫掂都比左錢, 就玩埋去啦.

今堂家希係插班,尋日個班, 家希就最大, 今日就變左最細既一個.

本來想報同家希同Group 個一班, 不過full 晒, 最快都要7 月至有. 到時佢都歲半, 太耐喇 !! !

所以呢度既人叫試Join 呢班, 試玩吓.

可能今日家希瞓飽飽, 全程都蓮子口, 好心情.

而我地又早到, 不過呢度地方我個人就覺得無 Starting Blocks 咁好, 如果早到的話得個等字, 唔似 Starting Blocks 有d 玩具比小朋友玩住先. 消磨吓時間.

呢度d導師姐姐係幼稚園老師,一開始家希已經呱呱叫, 聲大大, 見玩具仲自己走埋去玩. 見人地話入籃佢又走去拎個波入埋一份.

今次搵papa 渣機影相, d 相都過得去啦 !

【試堂@ Starting Blocks】

確實覺得家希呢幾個月黎識嘢多左, 雖然未必明晒我地講乜, 但多唔少都明dd 咁.


怕生保情況未算改善.

見d BLOG 友既小朋友都Join 左呢d 幼潛, 反應幾好, 好想帶家希去玩吓. 希望會有幫助.

多得 BLOG 友大少爺FUFU 幫助之下, 我可以Join 到呢堂試堂.

【有薪加】

年頭做完份 Apprasial, 就好期待4月既分賬.

之前已經有少少風聲流出,話今年會派得幾好, 舊年有1.5, 今年一定會多過呢個數.

上個禮拜, 公司公佈今年派幾多. basic 都有2.5, 比我想像中好理想.

事隔5年, 突然又有信收, 另一驚喜, 居然有人工加. 終於可以幫補吓 !!

【石澳8 週年】

8年前, 呢度係papa mama 拍拖第一次黎既地方, 4年前 papa mama 重踏舊地, 仲話第時要3個人黎.

今日終於實現喇!
 

未到夏天, 呢度已經熱到出晒汗. 成個沙灘都滿晒人. 成個車場都係滿晒車, 搵個位泊都幾難, 唯有比30蚊泊爛地.

【家希渡假 の Pami 相識 8 週年】

新竇搞掂, 終於可以接家希返黎, 只係拎左1日既AL 就連放4 日, 咁樣又可以對家希多幾日.

之前勁驚家希跟番我地會扭計, 因為家希住慣左婆婆家, 就算係婆婆家都黐到實一實, 連mama papa都唔要.

呢4日家希唔算話乖乖, 仲時不時扭計, 又係出佢個招, 唔鐘意唔滿意就大發脾氣, 冚頭落地, 同埋仲摑自己, 而mama我梗係一於少理, 由得佢係度大吵大鬧, 唔駛幾秒, 家希又回復咩事都無, 呢個小朋友真係識得扮嘢.

家希發脾氣就好忟陣...